ଦିବ୍ୟ ଜ୍ୟୋତି ଶୂନ୍ୟ ବ୍ରହ୍ମ
ଦିବ୍ୟ ଜ୍ୟୋତି ଶୂନ୍ୟ ବ୍ରହ୍ମ
• ଦିବ୍ୟ ଜ୍ୟୋତି ଶୂନ୍ୟ ବ୍ରହ୍ମ
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା
• ---------- -------------------- ----------
• ରାତିପାହିଗଲେ ଜଗନ୍ନାଥ ନାମ ଭଜନ କରେ ମୁଁ ନିତି
• ପାହାନ୍ତି ପହରୁ ମନ ହଜିଗଲା ଦେଖି ମଙ୍ଗଳ ଆଳତୀ ।।
•
• ଚୁଆ, ଚନ୍ଦନ ର , କସ୍ତୁରୀ, କର୍ପୁର ବାଶ ଯାଉଛି ଚହଟି
• ସଯ୍ୟାତ୍ୟାଗି ସିଂହା- ସନ ରେ ବିଜୟ କଲେଣି ଜଗତ ପତି ।।
•
• ମାଳ ମାଳ ଦୂବ , ଦୟଣା, ତୁଳସୀ ମଞ୍ଜରୀ ରେ ମୁଖକାନ୍ତି
• ଝଲସି ଉଠୁଛି ଚାହିଁ ହେଉ ନାହିଁ ସେ ଶୂନ୍ୟ ବ୍ରହ୍ମ ଦିବ୍ୟ ଜ୍ୟୋତି ।।
•
• ଘଣ୍ଟ,ଘଣ୍ଟା,ଶଂଖ ବାଜଇ ମୃଦଙ୍ଗ ବିପ୍ରେ ବେଦ ଗଉଛନ୍ତି
• ଦେଖ ଆରେ ମନ କି ଶୋଭା ଦିଶନ୍ତି. ବିଶ୍ଵନିଧି ଲକ୍ଷ୍ମୀ ପତି ।।
•
• ଚାରୁ ଚନ୍ଦ୍ରାତପ ଚାନ୍ଦୁଆ ଶୋଭିତ ରତନ ଦୀପର ଦ୍ଵିତୀ
• କୋଟିଏ ଅରୁଣ କିରଣ ବିଭାସେ ପାହିଆସୁଅଛି ରାତି ।।
•
• ମୁଖରିତ ହେଲା ଜନ କୋଳାହଳ ବାୟଷ ମଧୂର ଗୀତି
• ମଣିମା ମଣିମା. ଡାକରେ ଉଛୁଳେ ପାହିଆସିଲାଣି ରାତି ।।
•
• ମଙ୍ଗଳ ଲଗନ ଜୀବନ ମଗନ ଦେଖି ତାର ଚକା ଆଖି
• ବିହ୍ବଳ ହୋଇଲା ଏ ଦୀନ ପରାଣ ତୁମେ ଏକା ତାର ସାକ୍ଷୀ ।।
•
• ତୁମନାମେ ଭାବି ଗୀତ ରଚେ କବି ପ୍ରଫୁଲ୍ଲ ଫୁଲ ଆଳତୀ
• ଘେନାହେଉ ମହା- ବାହୁ ବାସୁଦେବ ପଦାମ୍ଵୁଜେ ରହୁ ମତ୍ତି ।।