ଦିବ୍ୟ ଭାବନା
ଦିବ୍ୟ ଭାବନା
ଦିବ୍ୟ ଭାବନା
****************************
ସୁଖ ଦୁଃଖ ଆସେ କର୍ମ ଅନୁସାରେ
ଚିନ୍ତା ଚିନ୍ତନକୁ ନେଇ
ହେମ ହରିଣକୁ ଗୋଡାଇ ଶ୍ରୀରାମ
ଫେରିଲେ ନିରାଶ ହୋଇ ॥
ଧୃବ ସତ୍ୟ ଏହା ମାନିବାକୁ ହେବ
ଭାବନା ହିଁ ଶ୍ରେୟସ୍କର
ଭାବନା ପଛରେ କର୍ମ ଧାବମାନ
ଜୀବତାର ବଚସ୍କର ॥
ଭାବନା ଭିତରେ ଆସେ ଅନାବନା
କୁତ୍ସିତ କୁରୂପ କଦାକାର
ଦିବ୍ୟଭାବନାରେ କର୍ମ ଶୃଙ୍ଖଳିତ
ସୁଖ ଶାନ୍ତି ଭରପୁର ॥
ତେଣୁ ବଂଧୁ ଆମେ ଭାବନା ରାଜ୍ୟରେ
ଘୁରିବାକୁ ଗଲାବେଳେ
ହୋଇ ଯତ୍ନଶୀଳ ସଭିଙ୍କର ହିତ
ଦେଖୁଥିବା ସବୁବେଳେ ॥
ପ୍ରଭୁ ଭଗବାନ ନିଜେ ହିତକାରୀ
କରୁଣାର ମୂର୍ତ୍ତିମନ୍ତ
ତାଙ୍କୁ ଅନୁସରି କଲେ ଦିବ୍ୟ କର୍ମ
ହେବାନାହିଁ ହନ୍ତସନ୍ତ ॥
(ସଦାନନ୍ଦ ପ୍ରତିହାରୀ)
ଭ୍ରାମ୍ୟଭାଷନଂ-୯୯୩୭୩୬୭୭୦୯
ତା୧୪-୧୦-୨୦୧୮