ଧର୍ମର ମାସ କାର୍ତ୍ତିକ

ରିମ୍ ଝିମ୍ ସୁରେ ତାଳ ଦେଇ ଦେଇ,

ବରଷା ରାଣୀ ଧରା ବକ୍ଷ ରୁ ବିଦାୟ ନେଲାଣି,

ଭିଜା ଭିଜା କାକର ପରଶେ କାଶତଣ୍ଡୀ,

ଅଶିଣ ର ହାତ ଧରି ଧରା କୋଳେ ସଅଁପି ଦେଲାଣି ।

ଦେବାଳୟେ ଶୁଭେ ଶଂଖ , ଘଣ୍ଟ ଧ୍ବନି ,

ମନ୍ଦିର ପ୍ରାଙ୍ଗଣ ଧୂପ ବାସନା ରେ ମହକି ଗଲାଣି,

ଭକତ ଜନଙ୍କୁ ଆଶିଷ ଦେବା ପାଇଁ ,

ମାଁ ଦଶଭୁଜା ପୀଠେ ପୀଠେ ଦେଖ ଉଭା ହେଲେଣି ।

ଶୀତୁଆ ସକାଳ କାର୍ତ୍ତିକକୁ ନେଇ ,

ଧରା ବକ୍ଷେ ଧିରେ ଧିରେ ପାଦ ଥାପି ଲାଣି,

ପୂଣ୍ଯ ର ମାସ, ଧର୍ମ ମାସରେ ସବୁ ହବିଷ୍ଯାଳି,

ହବିଷ ଅନ୍ନ ଜୁଗାଡରେ ଦେଖ ଲାଗି ଗଲେଣି ।

ପାହାନ୍ତି ପହରୁ କାର୍ତ୍ତିକ ବୁଡ ଦେଇ,

ମନ୍ଦିର ଭିତରେ ଭକତ ଙ୍କ ଗହଳି ହେଲାଣି ,

ତୁଳସୀ ଚଉରା ରେ ହବିଷ୍ଯାଳି ଯେତେ ଜୁହାର ହୋଇ,

କାର୍ତ୍ତିକ ମାହାତ୍ମ୍ୟ ଗାଇ ଗାଇ ପୂଜା କରନ୍ତି ।

ପୂଣ୍ଯ ର ମାସ , ଧର୍ମ ର ମାସ ଆସିଛି ପୁଣି ,

ଶିତ ଆଗମନୀ ବାରତା ନେଇ,

ଶୀତୁଆ ପବନ ସଭିଙ୍କ ମନେ ପବିତ୍ରତା ର ପରଶ ଦେଲାଣି,

ଶିବାଳୟେ ଭକତ ଜନଙ୍କ ଭିଡ ଜମିଲାଣି ।

ଧର୍ମ ମାସ ରେ ପଞ୍ଚୁକ ପାଳନ୍ତି ସବୁ ଓଡ଼ିଆଣୀ,

ଆ, କା, ମାଁ, ବୋଇ ଗୁଆ ପାନ ଥୋଇ ଗୀତକୁ ଗାଇ,

ଡିଶା ଐତିହ୍ଯ, ଓଡିଆ ଗୌରବକୁ ମନେ ପକାଇ,

ପୂର୍ଣ୍ଣମୀ ସକାଳେ ନଦୀ ଘାଟେ ଯାଇ ବୋଇତ ଭସାନ୍ତି ।