ଦଗାଦିଆ ପେରେମ୍

କିଏ ମୋର୍ ପାଖେ ବସି

          ମୋର୍ ମନର୍ କଥା ଯାନ୍ତା,

ମୋର୍ ହୁରୁଦ୍ କେ ଛି କରି

     କାଏଁ ହେଲାଜେ କାନ୍ଦୁଛୁ କହେତା ।

ମୋର୍ ପାଖେ ସବେ ଥାଇ କି

            ମୁଇଁ ଆଏଜ୍ ଏକେଲା ,

କିହେ ମତେ ଜାନି ନାଇଁ ପାରବର୍

            ମୋର୍ ମନର୍ ଝମେଲା ।

ହୁରୁଦ୍ ମୋର୍ ଫାଟି ଗଲାନ

            ଦିନେ ଅନ୍ଧାର୍ ଲାଗୁଛେ,

କାଏଁ ହେଲାଜେ କିଏ ଜାନେ

       ମୋର୍ ହୁରୁଦ୍ କେତେ କାନ୍ଦୁଛେ ।

  

ଦୁନିଆଁ ମତେ ଲାଗୁଛେ ଡର୍

          ଜୀବନ୍ ହେଲାନ କଲବଲ୍,  

 ଆଖିର୍ ପାଏନ୍ ଝରି ଯାଉଛେ

       କାନ୍ଦି,କାନ୍ଦି ହେଇଗଲିନ ର୍ଦୁବଲ୍ ।

 

ଭୋକ୍ ଶୋସ୍ ସବୁ ଉଡିଗଲା

           ଆଖି ଝୁମୁରା ହଜିଗଲା ,

ଏତେ ଦଗାଦିଆ ପେରେମ୍

      ମୋର୍ ଜୀବନ୍ କେ ମାରିଦେଲା ।