🌸^°^°^ ପିତା ^°^°^ 🙏

ସ୍ବର୍ଗସ୍ଥ ପିତା     ଚରଣେ ତୁମର

     ପ୍ରଣତି ଘେନ ମୋହର

ତବ କୃପାବଳେ     ଆତ୍ମୀୟ ସ୍ବଜନ

     ସଭିଏ ହେଲେ ନିଜର ।

ତୁମରି ଦୟାରୁ     ମାତାଙ୍କୁ ପାଇଲି

     ସକଳ କଥା ଜାଣିଲି

ଆତ୍ମୀୟ ସ୍ବଜନ     ଭାଇ ଭଉଣୀଙ୍କ

     ଅତି ପ୍ରିୟ ନିଜେ ହେଲି ।

ମୋ ଦେହରେ ଥିବା     ପ୍ରତି ରକ୍ତ ବିନ୍ଦୁ

     ତୁମେ ଦେଇଥିବା ଦାନ

ଦେହ,ପ୍ରାଣ,ଆତ୍ମା     ସାଥେ ଅବସ୍ଥିତ

     ମୋର ଏ ଛୋଟିଆ ମନ ।

ଆଦର୍ଶ କରମ     କରି ବଞ୍ଚିବାକୁ 

     ପ୍ରେରଣା ଦେଇଛ ମୋତେ

ଦାନ ଧର୍ମ କରି     ପୂଣ୍ଯ ଅର୍ଜିବାକୁ

     ଉପଦେଶ ଦେଲ କେତେ।

ମୋ ଜୀବନେ ତୁମେ     ମାର୍ଗ ଦେଖାଇଛ

     ପଥ ପ୍ରଦର୍ଶକ ହୋଇ

 ଯାହା ଦେଲେ ହେଲେ     ତୁମରି ଦାନକୁ

     ଶୁଝି ମୁଁ ପାରିବି ନାହିଁ ।

ପୂଜ୍ଯ ପିତା ମୋତେ     କର ଆଶୀର୍ବାଦ

     କରିବି ଏଭଳି କାମ

ଦେଶ ଓ ଜାତିର     ସେବା କରି ସଦା

     ରଖିବି ତୁମରି ନାମ ।