ଢାଳିଦିଅ କରୁଣାର ଜଳ
ଢାଳିଦିଅ କରୁଣାର ଜଳ
•
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର ମଙ୍ଗଳାଯୋଡି ଖୋର୍ଦ୍ଧା
• …………… ………………………… ………….
• ବିଶ୍ଵେ ଉଡେ ତବ ବିଜୟ କେତନ
• ସେ କେତନ ନାମ ପତିତପାବନ
• ବିନତା ନନ୍ଦନ ଅଟଇ ବାହାନ
• ହେ ପ୍ରଭୁ ରମା ରମଣ ହେ ,, ବିଶ୍ଵେ ଉଡେ…..।।
•
• ଦିନବନ୍ଧୁ ଦୀନ ଦାରିଦ୍ର୍ୟ ସଙ୍ଗାତ
• ଦେଇଥାଅ ଭକ୍ତେ ଅମାପ ସଂପଦ
• ଅନନ୍ତ ଈଶ୍ଵର ପ୍ରଭୁ ପରାତ୍ପର
• ଜୀବନ କର ପାବନ ଯେ ,, ବିଶ୍ଵେ ଉଡେ……।।
•
• ତୁମରି କରୁଣା କୃପାଜଳ କଣା
• ଦିଅଇ ମୁକତି କରିଲେ ଭାବନା
• କେତେତ ତାରିଛ ଦରଶନ ଦେଇ
• ଦେଇଛ ବୈକୁଣ୍ଠେ ଆସନ ,, ବିଶ୍ଵେ ଉଡେ……।।
•
• ଅନନ୍ତ ଅଚ୍ୟୁତ ଅଚିନ୍ତ୍ୟ ପୁରୁଷ
• ଶରଣ ସମ୍ଭାଳି ଅମୀୟ ଆୟୁଷ
• କର ଆୟୁଷ୍ମାନ ଭବ ତରଙ୍ଗିଣୀ
• ନହେଉ ପ୍ରତିବନ୍ଧନ ହେ ,, ବିଶ୍ଵେ ଉଡେ……।।
•
• ତୁମ ଦୟା ଦାନ ଅପୂର୍ବ ମହାନ
• ସଂସାର ତୁମର ସ୍ନେହ ପ୍ରେମ ପୂର୍ଣ୍ଣ
• ଆହା କି ମଧୁର ମଧୁମୟ ବିଶ୍ଵ
• କରିଅଛ ଯେ ଭିଆଣ ହେ ,, ବିଶ୍ଵେ ଉଡେ…..।।
•
• ଜୀବନ ସାୟାହ୍ନ ଉପଗତ ଏବେ
• କାଳର ସଂକେତ ଦେହେ ଫୁଟି ଉଠେ
• ବେଳନାହିଁ ଆଉ ଆହେ ମହାବାହୁ
• ପ୍ରଫୁଲ୍ଲ ମାଗେ ଦର୍ଶନ ହେ ,, ବିଶ୍ଵରେ ଉଡେ…..।।
• ++++