ଡାକ ଶୁଭୁନାହିଁ ତୋର...
ଡାକ ଶୁଭୁନାହିଁ ତୋର...
1 min
2.7K
ତୋର ଡାକ ଯେବେ କାନରେ ପଡ଼େ
ମୋ ସକାଳ ହେଲା ମୁଁ ଜାଣେ
ରାତି ପାହିଗଲା ଉଠି ଆସ ବୋଲି
ମୁଁ ତୋ ଡାକକୁ ମଣେ l
ଶାଗୁଆ ଦେହ ତୋ ରକ୍ତଜବା ଥଣ୍ଟ
ଟିକି ମିକି ଦୁଇ ଆଖି ତୋର ମୁହଁ
ଏତେ ମନୋରମ ସତେ ଆଖି ରହିଯାଏ ଲାଖି l
ଉଦାସିଆ ମନ ତୋତେ ଦେଖିଦେଲେ ଉଲ୍ଲାସିତ ହେଉଥିଲା
ଶୁଆ ହେଲେ ବି ତୋ କଥା ପଦେ ମତେ ଆନନ୍ଦିତ କରୁଥିଲା l
ମୋତେ ଦେଖି ଯେବେ ଡାକ ଛାଡ଼ୁ ତୁହି ବୁଝିଯାଏ କଥା ତୋର
ଉଡ଼ି ଯାଆ ବୋଲି ପଞ୍ଜୁରୀ ଖୋଲିଲେ ବସୁଥିଲୁ ହାତେ ମୋର l
କାହିଁ ଆଜି ମୋତେ ଛାଡ଼ି ଚାଲିଗଲୁ ରାଗିଗଲୁ କି
ମୋ ଠାରୁ କାନ ମୋର ଆଜି ଝୁରି ହୁଏ ଡାକ ଶୁଣିବାକୁ ତୋ କଣ୍ଠରୁ l