ଡାହୁକ ଡାକେ

ହୋ ଭଗତେ ହୋ

ରଥ ଯାଏ ଗଡି ଗଡି

ତିନି ରଥ ଚାଲେ ଧାଡି଼କି ଧାଡ଼ି

ଆଗକୁ ଆଗକୁ ମାଡି ।୧ା

ହୋ ଭଗତେ ହୋ

କାଳିଆ ମୁଣ୍ଡେ ଟାହିଆ

ଛାତି ସିନା ଖାଲି ଛପନ ଇଂଚିଆ

କାମଟା ବାର ଇଂଚିଆ ।୨ା

ହୋ ଭଗତେ ହୋ

ସ୍ୱଛ ଭାରତ ଅଭିଯାନ

ଟିକସ ଗଣିଲେ ନୁହେଁ ପରିଛନ୍ନ

ନାହିଁ ଆଉ ତାନମାନ ।୩ା

ହୋ ଭଗତେ ହୋ

କେନ୍ଦ୍ର ବଜେଟର ଖେଳ

ସେନସେକ୍ସ ଗଲା ଅତଳ ତଳ

ନିବେଶକ ପାଇଁ କାଳ ।୪ା

ହୋ ଭଗତେ ହୋ

ଅଡାନି ଅମ୍ବାନି ଆଦି

ଆଗକୁ ଧରିବେ ଶାସନ ଡୋରି

ବଢୁଛି ଦକ୍ଷିଣି ବ୍ୟାଧି ।୫ା

ହୋ ଭଗତେ ହୋ

ବାହୁଡା ଯାତ ଆସିବ

ଜନତାର କେବେ ବାହୁଡା ହେବ

ଅଛେ ଦିନଟା ଆସିବ ।୬ା