ଦୌଡ

ସେଠି ଚାରିଦିନ ଧରି ଦୌଡ଼ ହେବ ,

କଲେଜ ବାର୍ଷିକ ଉତ୍ସବରେ ।

ପାଖରେ ଉଦ୍ ଘୋଷଣା ହେଉଥିବ !

ଅନେକ ଦେଖଣାହାରୀ ଥିବେ ,

ହେଲେ ମୁଁ ଭାଗ ନେଇ ନଥିବି ସେଇ ଦୌଡ଼ରେ !

ଅନେକ ମାନ୍ୟଗଣ୍ୟ ବ୍ୟକ୍ତି ଥିବେ ,

ଲହୁ ଲୁହ ଏକାଠି କରି ଧାଉଁଥିବେ ପ୍ରତିଯୋଗୀ ମାନେ ,

ଖାଲି ଗୋଟେ ଧାତୁର ମେଡାଲ ପାଇବା ଆଶାରେ !

ମୁଁ ବି ଧାଇଁ ଥିଲି ଦିନେ !

ଠିକ୍ ଏଇ ମାନଙ୍କ ପରି ,

କାହା ସହ ପ୍ରତିଯୋଗିତା କରି

ଜୀବନରେ ସଫଳ ହେବା ଆଶାରେ !

ହେଲେ କାହିଁ ସେଇ ଆଦିମ ସଫଳତା?

କାହିଁ ସେହି ଧାତୁର ମେଡାଲ ?

ଧାଇଁଥିବା ସେହି ଜୀବନ ଦୌଡ଼ରେ !