ଦାୟିତ୍ୱ

ପିତା ମାତା ପରି ନାହିଁ କେ ଦେବତା 

ଦୁନିଆ ଯାକରେ ପରା 

ସେନେହ ଆଦର ମମତାର ମୂଲ 

ବନ୍ଧା ଆମେ ସର୍ବେ ପରା ||

କର୍ତ୍ତବ୍ୟ କରନ୍ତି ନ ରଖି ମନରେ 

ଟିକିଏ ବି ତାଙ୍କ ଆଶା 

କର୍ତ୍ତବ୍ୟର ପଥେ ଚାଲି ଚାଲି ସିଏ 

ମନରେ ନଥାଏ ନିରାଶା ||

ଦାୟିତ୍ୱ ତୁଲାନ୍ତି କର୍ତ୍ତବ୍ୟ କରନ୍ତି 

ବଞ୍ଚିଥିବା ଯାଏ ସିଏ 

କର୍ତ୍ତବ୍ୟର ମୂଲ କେହି ବୁଝନ୍ତିନି 

ଲଦି ଦିଅନ୍ତି ଦୋଷ ସଭିଏଁ ||

ସନ୍ତାନ ପାଖରେ ହୁଅନ୍ତି ସର୍ବଦା 

ଅବହେଳା ନିଜେ ନିଜେ 

କାହିଁକି ଦାୟିତ୍ୱ ତୁଲାଇ କରିବେ 

ନିଜର କର୍ତ୍ତବ୍ୟ ସମାଜେ ||

ଦୁନିଆ କହିବ ଦାୟିତ୍ୱ ତୁଲାଇ 

ପିତା ମାତା ଗଲେ ମରି 

ସନ୍ତାନ ପାଇଁକି ନିଜ ଜୀବନକୁ 

ତିଳେ ତିଳେ ଦେଲେ ସାରି ||