ଦାସ ଡାକ ଶୁଣ ଦୀନବନ୍ଧୁ

• କବି ଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• ଦୀନ ଦୁଃଖୀ ଦୁଃଖ ଦେଖି ଦାମୋଦର

• ଦୟାର୍ଦ ହୃଦୟ ତୁମ

• ଦ୍ରବିଯାଏ ନାହିଁ ଦୟାସାଗର ହେ

• ଦେଖୁଛ ଚକାନୟନ ।।

• ଦାରୁଣ କଷଣ ଦୁଃଖୀ ଜନ ମନ

• ଦଳିଦିଏ ଦୟାନିଧି

• ଦୟା ସିନ୍ଧୁ ଦୀନବନ୍ଧୁ ମହାବାହୁ

• ଦେଇଛ ଦୁଃଖ ରେ ବାନ୍ଧି ।।

•

• ଦିନ ରାତି ଦୀନ ଦଇତାରୀ ନାମ

• ଦେବପଥ ଦେଖି ଦେଖି

• ଦୀପ ଦାନ କରି ଡାକଇ ଶ୍ରୀହରି

• ଦେଖୁନ ତେବେ ବି କିଛି ।।

• ଦୋଳାୟମାନ ଜୀବନ ନେଇ ପ୍ରାଣ

• ଦେହୁଡୀ ମୁହଁରେ ବସି

• ଦେଖ ଜନାର୍ଦ୍ଦନ ଦେବକୀନନ୍ଦନ

• ଦୁର୍ଦ୍ଧର ଦୁଃଖ ଭୋଗୁଛି ।।

•

• ଦୁରୂହ ଦୁର୍ଗତି ଦିଅ ଲକ୍ଷ୍ମୀ ପତି

• ଦେଵାଲିଆ କରିଦିଅ

• ଦୁରୁଦଣ୍ଡ ଏତେ ଦିଅ କିଆଁ ସତେ

• ବଡ଼ ଦେଉଳିଆ ଦିଅଁ ।।

• ଦହି ହୁଏ ମନ ଦୁର୍ବାର ଜୀବନ

• ଦୁଃସହ ହେଲାଣି ଆସି

• ଦୟାକରି ଦୀନେ ଦୀନବାନ୍ଧବ ହେ

• ଦଳି ଯେତେ ଦୁଃଖ ରାଶି ।।

•

• ଦିନାର୍ତ୍ତନାଶନ ଦୟା ସିନ୍ଧୁ ବନ୍ଧୁ

• ପ୍ରଫୁଲ୍ଲ ବିକଳ ଶୁଣି

• ଦେଖାଦେଇ ଦୁଃଖ ହରିବ ,ତୋ ପଦ

• ଦାସ, ଡାକେ ନୀଳମଣି ।।

• +++++++