ଚୋରା ଚଇତି ..........

ଚୋରା ଚଇତି ବହିଲାଣି ଏବେ

ବହିବ ତ ଚଇତାଳୀ

ଫଗୁଣ ଆସିଛି ସେହିକ୍ଷଣି ସଖୀ

ଯେବେ ଚାହିଁଛୁ ନୟନ ଢାଳି l

ବଉଦର ଗଂଧେ ମହକି ଉଠଇ

ମନ ଉପବନ ତରୁ

ମଳୟ ସଂଚାରେ ପଲ୍ଲବି ମୋ ମନ

ରଚିଲାଣି କୁହୁକୁହୁ l

ନୀଳ ଆକ‍ଶରେ ଫଗୁର ଉତ୍ସବ

ପିୟୁଷ ପଡୁଛି ଝରି

ଚୋରା ଚଇତି ବହିଲାଣି ଏବେ

ବହିବ ତ ଚଇତାଳୀ l

ତୋ ଝୀନବସନ ଚନ୍ଦ୍ରାତପ ତଳେ

ଲାବଣ୍ୟ ସୁଷମା ଶୋଭା

ପ୍ରତି ଅଂଗେ ତୋର ବସନ୍ତ ବାରତା

କାନ୍ତି ତୋର ମନଲୋଭା l

ନୀଳ ସପନର ଚନ୍ଦ୍ରିକା ଗୋ ମୋର

ଚନ୍ଦ୍ର ସୁଷମା ଝଳି

ଚୋରା ଚଇତି ବହିଲାଣି ଏବେ

ବହିବ ତ ଚଇତାଳୀ l