ଚୋର ଚିହ୍ନେ ଚୋର

ମୋଦି କହିଦେଲେ ଯେ ମୁଁ ଚୌକିଦାର

ରାହୁଲ କହିଲେ ଚୌକିଦାର ଚୋର

ଜନତା କହୁଛି ଚୋର ଚିହ୍ନେ ଚୋର

ଏଥିରେ ମନକୁ ଉଣାଯେ ନ କର ॥

ଘରକୁ ତୁମର ଜଗିଛ କି ନାହିଁ

କହିଦିଅ ଥରଟେ ରାହୁଲ ଗାନ୍ଧୀ

ସେକଥାଟି ମୋଦି କହିଦେଲେ ବୋଲି

ଚୋର ଜନ୍ତାରେ ନିଜେ ହେଲ ଯେ ବନ୍ଦୀ ॥

ଆବାଳ ବୄଦ୍ଧ ବନୀତା ଭାରତରେ

ଅଟନ୍ତି ନିଜେ ନିଜର ଚୌକିଦାର

ମହାନ ଲୋକ କହନ୍ତି ଆମ ଦେଶେ

ସୁରକ୍ଷା କବଚ ଆମେ ହେ ଆମର ॥

ସୈନିକ ନିଜର ସୁଖ ବଳି ଦେଇ

ଜଗେ ଦିନରାତି ସୀମାନ୍ତ ଦେଶର

ଘର ଠାରୁ ଅଫିସ୍ ସର୍ବତ୍ର ଜଗେ

ନୁହଁନ୍ତି କି ସେ ଆମ ଚୌକିଦାର ॥

ଦିପ୍ତୀଲେଖା ମିଶ୍ର