ଚନ୍ଦ୍ର ଅଭିଯାନ

ଦିନଥିଲା ଦିନେ ଛୁଆଟି କାନ୍ଦିଲେ

ଦେଖାନ୍ତି ଆକାଶେ ଜହ୍ନ

ନୀଳ ଗଗନ ରେ ଜହ୍ନ ମାମୁ ଦେଖି

 ବୁଝି ଯାଏ ତାର ମନ !!

ବାପା ମାଆ ତାକୁ ସାନ୍ତ୍ୱନା ଦିଅନ୍ତି

ହାତ ଠାରି ଡାକ ଧନ

ଜହ୍ନ ମାମୁ ଆସି ତୋ ହାତେ ପଡିବ

ଖେଳିବୁରେ ରାତିଦିନ !!

ସୁନା କୁଲେଇରେ ଖେଳିବୁରେ ରଖି

ତୁହିପରା ରୁପା ଜହ୍ନ

ସିଏ ସାଙ୍ଗ ହେଲେ ଆଉ କାଂଦିବୁନି

ହୋଇ ଯିବୁ ତୁହି ତୁନ !!

ସେହି ଜହ୍ନ ପାଶେ ଆଜିର ମଣିଷ

ନେଇ ସେହି ଚନ୍ଦ୍ରଯାନ

ତା ପୃଷ୍ଟେ ପହଁଚି ଖୁସିସେ ହୋଇଛି

ଦିନେ ଯାହାଥିଲା ସ୍ୱପ୍ନ !!

ଚନ୍ଦ୍ର ଯାନ ତିନି ଆଣିଛି ସେଠାରୁ

ଅନେକ ତ ତଥ୍ୟ ମାନ

ଏ ମଣିଷ ସେଠି ରହିବା ପାଇଁକି

ସେଠି ଅଛିକି ପାଣି ପଵନ !!

ପାଖରେ ତାହାର ପହଂଚିବା ପାଇଁ

ଦେଇଛି ବାଟ ବିଜ୍ଞାନ

ଆମରି ଭାରତ ଗୌରବ ବଢ଼ିଛି

କରି ଚନ୍ଦ୍ର ଅଭିଯାନ !!