ଚଲାପଥ

ଚଲାପଥ

ଚଲାପଥ କେବେ ଉଠାଣି ଗଡ଼ାଣି

କେବେ ନିଦାଘର ତାତି

କେବେ ଚଇତାଳି କେବେ ମରୁବାଲି

ପୂନେଇଁ ପଖଳା ରାତି

ଯିବା ଆସିବାର କେତେ ପଦଚିହ୍ନ

ସାଇତା ତା ବୁକୁ କରେ

ଅଚିନ୍ହା ମୁହଁଟି ହୋଇଯାଏ ଚିନ୍ହା

ଏଇ ଚଲାପଥ ପରେ

ଚାଲୁ ଚାଲୁ କିଏ ହୋଇଗଲେ ଭେଟ

ହସ ଟିକେ ଦେବା ଭେଟି

ଫୁଲ ଅବା କଣ୍ଟା ଯାହା ଥାଉ ବନ୍ଧୁ

ନେବା ଅଧା ଅଧା ବାଣ୍ଟି

ଦୁଃଖ ଆଉ ଦୁଃଖ ପରି ଲାଗିବନି

ସାଥୀ ହୋଇ ଚାଲୁ ଥିଲେ

କଣ୍ଟକିତ ପଥ ହେବ ଯେ ପୁଷ୍ପିତ

ହସ ଖୁସି ବାଣ୍ଟୁ ଥିଲେ..

ମଞ୍ଜୁଲତା ସିଂ

ଭୁବନେଶ୍ୱର