ଚକ୍ରବ୍ଯୁହରେ ପ୍ରେମିକା

ସବୁ ନିଷ୍ପତି କଣ

କେବଳ ତମେ ନେବ ?

ରାଗିବା, ରଗେଇବା,

କାନ୍ଦିବା ଆଉ କନ୍ଦେଇବା,

ମନଇଛା କଥା ବନ୍ଦକରିବା

ପୁଣି କଥା ହେବା,

ଘୃଣା କରିବା,

ଓଲଟା ଧାଇଁବା,

ମନକୁ ଖୁବ୍ ଆଘାତ ଦେଇ

କ୍ଷତାକ୍ତ କରିବା,

ଏସବୁ ବାଦ୍ କହିଲ ଦେଖି !!

ମୋ ହାତରେ ଆଉ କଣ ରହିଲା ?

ସତ କହିଲ

ତମ ଭଲପାଇବା

କଣ ଖାଲି ଅଭିନୟ ଥିଲା ?

ମନ ଦେବାରେ ବି

କପଟତା ଥିଲା ?

ସେଥିରେ ସ୍ୱାର୍ଥ ଜଡିତ ଥିଲା

ନା କିଛି ଆଶାରେ

ବାନ୍ଧି ହୋଇଥିଲା ?

ତମେ କଣ ହରାଇଲ ଜାଣିନି

ମୁ୍ଁ କିନ୍ତୁ ମୋ ଦମ୍ଭ

ଆଉ ବିଶ୍ୱାସକୁ ହରାଇଛି l

ସତରେ ମୁଁ ଛିଟିକି ପଡିଛି

କାଇଁ କେଉଁ ଅତଳ ଅନ୍ଧାରକୁ l

କହି ପରୁନି କିମ୍ବା

କିଛି ବୁଝି ପାରୁନି,

ଏତେ ରାଗ ପୁଣି ଏତେ ଅନୁରାଗ,

ଏତେ ଜିଦ୍ ପୁଣି ଏତେ ସଂନ୍ଦେହ,

କଷ୍ଟ ବେଶି କିଏ ପାଉଛି

ଆଉ କିଏ ଦେଉଛି ?

ମୋ ରାଣ ସତ କହିବ !!!

କିଏ ବେଶି କ୍ଷତି ସହୁଛି ?

*********************************

ପ୍ରଶାନ୍ତ କୁମାର ବେହେରା

ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,

ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,

ଜଗତସିଂହପୁର l

ଦୂରଭାଷ - ୯୪୩୭୧୩୫୯୧୬