ଚିରନିଦ୍ରା

ଜନମ ଯେଉଁଠି ମରଣ ସେଇଠି 

କରମ ଯେଉଁଠି ଧରମ ସେଇଠି 

ସୁଖ ଯେଉଁଠି ଦୁଃଖ ସେଇଠି 

ସେଇଠି ଭାଗ୍ୟର ଡୋରି 

କିଏ ଅବା ଏହି ସରଳ ରେଖାରୁ 

ଯିବ ଅବା ଅପସରି   ll

କେହି ରହିନାହିଁ ଅବା ରହିବେ ନାହିଁ 

ସବୁଦିନ ହୋଇ ରାଜା 

ଦିନା କେତେ ରହି ଓହରି ଆସିବେ 

ହେବେ ପୁଣି ସେହି ପ୍ରଜା 

ଯଉ ଶାସନରେ ପ୍ରଜା ପାଳୁଥିଲେ 

ଦେଖାଇ ଗମ୍ଭୀର ଛାତି 

କାହିଁ ଗଲା ଆଜି ସେହି ସମୟ 

ନେଲୁ ତୁ ଚିର ସମାଧି  ll

ଖାଲି କରି ମନମାନୀ 

ନିଜ କଥାରେ ଅଟଳ ରହୁ 

ନଶୁଣି କାହାରି ବାଣୀ 

ସାହି ସହୋଦର ସମସ୍ତେ ତୋହର 

ଭୁଲିଲୁ ଏକଥା ମାନ 

ସମସ୍ତଙ୍କ ଠାରୁ ସମ୍ପର୍କ ହରାଇ 

ହେଲୁ କାହିଁ ହୀନିମାନ  ll

ଦେଖିଲୁ ନାହିଁ ତୁ ଭୁତ ଭଵିଷ୍ୟକୁ 

ମଣିଲୁ ଶ୍ରେଷ୍ଠ ଅହଂକାରେ 

ବେଳ ତ ଆସିଲା ଶୋଇବା ପାଇଁରେ

ଏବେ ଚିରନିଦ୍ରାରେ  ll