ଚିରା ଚରିତ୍ର

      

ଭବ ଦରିଆରେ ଅଭାବିଟିଏ ମୁଁ

କୁଳପାଏ ନାହିଁ ନୀତି ପିଏ ପାପ ବିଷ

ପଥଭ୍ରଷ୍ଟ ପଥେ ପଥିକଟିଏ ମୁଁ

ଲକ୍ଷ ମୋର ଶୂନ୍ୟତଟ    ।।

ଅଭିଶପ୍ତ ଏଇ ଜୀବନର ମୂଲ୍ୟ

ବିଷାଦର ନ୍ୟସ୍ତ ସଦା

ମୋ ପ୍ରତିବିମ୍ବ ମୋତେ ନିନ୍ଦି କହେ

ମୋ ଚରିତ୍ର ଅଳିଆ ଗଦା   ।।

କୃଷ୍ଣ ସାଜି କେତେ ମନ ମୁଁ ମୋହିଛି

ପିନ୍ଧି ସାଧୁ ଭଦ୍ର ମୁଖା

ପ୍ରତାରଣା ଦୁଃଖ ଅନେକୁ ଦେଇଛି

ସୁଖ ବାଉଳାରେ

ଦୁଃଖ ମୋ ଜୀବନ ସଖା    ।।

ନିନ୍ଦା ଅପବାଦ ମୋ ପାଇଁ ବଉଦ

କଳଙ୍କ ମୋ ଇତିହାସ

ଚିରା ଚରିତ୍ରର କି ଚିତ୍ର ଆଙ୍କିବି

ଚିରି ଯାଇଥିବା ଚରିତ୍ରେ ପାପର ବିଷ  ।।