ଛୋଟ ମୋର ଗାଁଆଟି

ସୁନ୍ଦର ମୋର ଏ ଗାଆଁଟି,

ଏନ୍ତୁଡ଼ିଶାଳ ମୋ ନଈର କୂଳ

ବରଗଛ ମୂଳେ ସାଥୀଙ୍କ ମେଳ

ମୋହେ ସଭିଙ୍କର ମନଟି,

ସୁନ୍ଦର ମୋର ଏ ଗାଆଁଟି।

ବିଦ୍ୟାଳୟ ମୋର ଭାରି ସୁନ୍ଦର

ନପଢିଲେ ପୁଣି ଛାଟ ପାହାର

କି ସୁନ୍ଦର ପରିବେଶଟି,

ସୁନ୍ଦର ମୋର ଏ ଗାଆଁଟି।

ଗାଁର ପରବ ଯାନିଯାତରା

ଚଉକିଦାରଙ୍କ କଡ଼ା ପହରା

"ସାବଧାନ"ର ସେ ଡାକଟି,

ସୁନ୍ଦର ମୋର ଏ ଗାଆଁଟି।

ଗାଁ ପାଖର ସେ ପୋଖରୀ ତୁଠ

ଗ୍ରାମ ଭୁଆସୁଣୀ ହୁଅନ୍ତି ଭେଟ

ଖୋଲିଥା'ନ୍ତି ଗପ ପେଡିଟି,

ସୁନ୍ଦର ମୋର ଏ ଗାଆଁଟି।

ଗ୍ରାମର ମଝିରେ ଦିଅଁ ମନ୍ଦିର

କାନରେ ବାଜଇ ବେଦ ମନ୍ତର

ସଂଜେ ଦୀପବତୀ ଜଳେଟି,

ସୁନ୍ଦର ମୋର ଏ ଗାଆଁଟି।

ଗ୍ରାମ ଶେଷ ହୁଏ ଶମଶାନରେ

ଯହିଁ ସବୁ ଗର୍ବ ମିଶେ ମାଟିରେ

କରମ ଫଳକୁ ଦିଏଟି,

ସୁନ୍ଦର ମୋର ଏ ଗାଆଁଟି।