ଛନ୍ଦା ରଙ୍ଗାପଦ ପଙ୍କଜେ ମନରହୁନିରତ
ଛନ୍ଦା ରଙ୍ଗାପଦ ପଙ୍କଜେ ମନରହୁନିରତ
ଛନ୍ଦା ରଙ୍ଗା ପଦ ପଙ୍କଜେ ମନ ରହୁ ନିରତ
କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି , ଖୋର୍ଦ୍ଧା
---------- -------------------- ----------
• ନୀଳାମ୍ବୁ ଜଳଧି ମହୋଦଧି ତଟ ନୀଳ ଶଇଳ
• ଶିଖରେ ବିଜୟ ,ମୂଳେ କଳ୍ପବଟ ନନ୍ଦ ଦୁଲାଳ ।।
• ଲକ୍ଷେ ବିଷ୍ଣୁ ଶିଳା ଶୋଭିତ ସୁନ୍ଦର ରତନ ବେଦୀ
• ମଣିଶିଳା ଖଞ୍ଜା ତା ବଡ଼ ଦେଉଳ ସୁନ୍ଦର ଅତି ।।
•
• ତଥିପରେ ଉଡେ ପତିତପାବନ ବିଜୟ ଧ୍ଵଜା
• ନୀଳଚକ୍ରେ ଖଞ୍ଜେ ଆହାକିରୁଚିରେ ହୋଇଛି ଖଞ୍ଜା ।।
• ମେଘନାଦ ନାମେ ଚର୍ତୁପାଶ୍ଵେ ରମ୍ୟ ପାଚେରୀ ଠିଆ
• ସିଂହଦ୍ଵାରେ ସମ୍ଭ, ଅରୁଣ ,ଉପରେ ବିସ୍ତାରି କାୟା, ।।
•
• ଜୋଡହସ୍ତେ ଉଭା ଅନୁସରି ଦେବ ଦେବାଧିରାଜ
• ନୀଳଚଳ ଅଧିପତି ସେହି ନୀଳାମ୍ବର ସାନୁଜ ।।
• ବାଇଶି ପାବତ୍ସ ବଇକୁଣ୍ଠ ପୁର ସୁଗମ ପଥ
• ତହୁଁ ଯାଇ ଉଭା ହୁଅ ଆରେ ମନ ଗରୁଡ ପଛ ।।
•
• ସୂର୍ଯ୍ୟ,ଚନ୍ଦ୍ର ପଦ୍ମ ଚକା ନୟନ ରେ କଳା ବଦନ
• ପାପ ଚକ୍ଷୁ ତୋର ପବିତ୍ର ହୋଇବ କର ଦର୍ଶନ ।।
• ଛଡା ତୁଳସୀ ତା କୈବଲ୍ୟ କଣୀକା ସେବନ କର
• ଚତୁର୍ଦ୍ଧା ମୂରତୀ ପଦାମ୍ଵୂଜେ ରଟୁ ଚିତ୍ତ ଚକୋର ।।
•
• ବେଢା ରେ ବେଢିଣ ସର୍ବ ଦେବା ଦେବୀ କରନ୍ତି ସ୍ତୁତି
• କ୍ଷେତ୍ରେଶ୍ଵରୀ ସଙ୍ଗେ ସିନ୍ଧୁରାଜଜେମା ପଦେ ଖଟନ୍ତି ।।
• ଭଜନ ମଣ୍ଡପେ ତା ନାଟ ମଣ୍ଡପେ ଗୀତ ଗୋବିନ୍ଦ
• ଦେବଦାସୀ ନୃତ୍ୟ ତାଳେତାଳେ ଶୁଣ ତାଳ ମୃଦଙ୍ଗ ।।
•
• କୈବଲ୍ୟ ଖଳାରେ କୈବଲ୍ୟ ହାଟ ନିର୍ମାଲ୍ୟ କୁଡୁଆ
• ଆନନ୍ଦବଜାରେ ମହାର୍ଦ୍ଦ ସେବନ ଭାରି ବଢିଆ ।।
• ଭଜଇ ପ୍ରଫୁଲ୍ଲ ସେ ଜଗତପତି ବଡ଼ ସାଆନ୍ତ
• ଛନ୍ଦା ରଙ୍ଗା ପଦ ପଙ୍କଜେ ଲୟ ରଖି ନିରତ ।।