ଚାଲ ଫେରିଯିବା ପଛକୁ

ନିଜର ପୁରୁଣା ଦୋସ୍ତି ନେଇ

ଚାଲ ଫେରିଯିବା ଅନେକ ପଛକୁ

ସେଇ ବଦମାସ୍ ଚରିତ୍ର ହୋଇ

ଛୋଟ ପିଲା ପରି ବାପାଙ୍କୁ ଠକି 

ମାଆଙ୍କଠାରୁ ମାଡ଼ ଖାଇବା । 

 

ମିଶିଯିବା ବିନା ସଂକୋଚରେ,

ମାଟି ହାଣ୍ଡିକୁ ଭୁତ ମୁଣ୍ଡ କରି

ଡରେଇବା ସାଙ୍ଗ ଝିଅମାନଙ୍କୁ

ପୁଣି ଏକାଠି ମିଶି ଖେଳିବା । 

 

ସାଇକେଲ ଟାୟାର ଧରି ଦୌଡ଼ିବା

ଯିଏ ଯିତିବ ତାକୁ ରାଜା କରିବା

ତା ପଛରେ ଯିଏ ଥିବ ତାକୁ ମନ୍ତ୍ରୀ

ଦିନକ ପାଇଁ ତାଙ୍କ କଥା ମାନିବା । 

କାନ୍ଥ ଉପରେ ଲେଖିଦେବା 

ଆମ ନାମରେ ତା ନାମ ଯୋଡ଼ି

ପୁଣି ତା ବାପା ପାଖରେ ମିଛ କହି 

ଗାଳି ଶୁଣି ମୁହଁ ଲୁଚାଇ ହସିବା ।

ବାପା ପକେଟରୁ ଚୋରି କରି

ଦୁହେଁ ଦୋକାନକୁ ଦୌଡ଼ିବା 

ଗୋଟେ ବିସ୍କୁଟକୁ ଫାଳ କରି ଖାଇବା 

ତତେ ଯିଏ ପିଟିବ ମୁଁ ତା କଥା ବୁଝିବି

ଆମେ ପୁଣି ଏକାଠି ହୋଇ ହସିବା ।