ଚାଲ ଫେରିବା ଏଥର

ଢେର୍ ହେଇଗଲା,

ଏ ଉଡାଣ,

ଏ ଧାଁ ଧପଡ଼,

ଏ ଭିଡ଼ରେ ଆକ୍ତାମାକ୍ତା ହୋଇ

ଅଣନିଶ୍ୱାସୀ ହେବା ।

ଚାଲ,ଏଥର ବସିବା କେଉଁ ଏକ ନିର୍ଜନ ବେଳାରେ,

ଖୋଜିନେବା ନିଜପାଇଁ ମୁହୂର୍ତ୍ତଟିଏ ।

ଖୋଲା ଆକାଶରେ ଉଡ଼େଇ ଦେବା ଯେତେସବୁ ପୁରୁଣା ମାନ, ଅଭିମାନ,ଦୁଃଖ,ଯନ୍ତ୍ରଣାକୁ

ଦୁଇଟି ଗାଢ଼ ଦୀର୍ଘଶ୍ଵାସରେ ।

ମୃତ ସ୍ବପ୍ନକୁ କବରରୁ ଖୋଳି ଜୀବନ୍ୟାସ ଦେବା

ଶତ ଅନୁରାଗରେ ।

ମୁଁ ତୁମ କପାଳରେ ଆଙ୍କି ଦେବି ଶ୍ରଦ୍ଧାର ସହସ୍ର ଚୁମ୍ବନ,

ତୁମେ ଢାଳିଦେବ ଆଞ୍ଜୁଳି ଆଞ୍ଜୁଳି ପ୍ରେମ

ମୋ' ହାତ ପାପୁଲିରେ ।

ପୁରୁଣା ସ୍ମୃତିକୁ ଲୁହରେ ପଖାଳି,

ହଜିଯିବା ଦୁହେଁ ପୁଣି ଦୁହିଁଙ୍କ ଭିତରେ....।

* * *

:Mahapatra B Sunanda.

Bangalore.