ଅନ୍ତର୍ଦାହ
ଅନ୍ତର୍ଦାହ
1 min
269
ଏମିତି ଲାଗୁଛି ଯେମିତି ରାତି ପାହିଲେ
ଅନେକ ଡେରି ହେଇଯିବ....
ବିବାକ୍ ବଦଳୁଥିବା ସମୟ
କେଜାଣି କେଉଁ ମୋଡ଼ ନେବ ?
ଆଜି/ଏଇ ମୁହୂର୍ତ୍ତରେ ଯଦି
ଖୋଲି ନଦେବି ନିଜକୁ,
ପୁଞ୍ଜିଭୁତ ଦୁଃଖ,ବେଦନା,
ମାନ,ଅଭିମାନ,ଆବେଗ ଅଶ୍ରୁକୁ...!
ହେଲେ ହୃଦୟର
ଏତେ କଥା/ଏତେ ବ୍ୟଥା/ଏତେ ଅନ୍ତର୍ଦାହ..
ଏସବୁ କ'ଣ କହି ଦେଇ ହେବ
ଏତେ ସହଜରେ,
ଏ କାଗଜ କାଳିରେ,
କେଇଧାଡ଼ି ଲେଖାର
କେଇପଦ କଥାରେ ?
ବିସ୍ତାରିବି ବୋଲି ଯେତେଥର
ଚେଷ୍ଟା କରୁଛି,
ସେତେଥର ନିଜକୁ
ନଖୋଲି ପାରିବାର
ବ୍ୟର୍ଥତାରେ ଭାଙ୍ଗିପଡ଼ୁଛି....
ଆଃ.....!!!
କେମିତି ଆରମ୍ଭିବି...
କେଉଁଠୁ ?
ଆରମ୍ଭରୁ ଶେଷ ...
ନା, ଶେଷରୁ ଆରମ୍ଭ ??
* * *
ସୁନନ୍ଦା ବି ମହାପାତ୍ର
ବାଙ୍ଗାଲୋର୍