ବ୍ୟଥା
ବ୍ୟଥା
1 min
245
ଅଜାଡି ଦେ
ଆଞ୍ଜୁଳାଏ ସୁଖ
ଅବା
ବିଛାଡି ଦେ
ଅସରାଏ ଦୁଃଖ
କିଛି ବି ପଡିବନି ଫରକ ।
ହେଇପାରେ ,
ସୁଖର ଗାଲିଚାରେ
ବୁଲିବାର ଭ୍ରମ
ରକ୍ତାକ୍ତ କରିଦେବ
ମୋ ହୃଦୟ,
କେଇ ଗଣ୍ଡା
ରଙ୍ଗୀନ ପ୍ରଜାପତିଙ୍କ
ସୂଖ୍ମ ରେଣୁର ଆଘାତେ
ଭାଙ୍ଗି ପଡିବ ମୋ ସପନ ।
ହେଲେ,
କିଛି ମୁହୁର୍ତ୍ତ ପାଇଁ ତ
ଧୋଇଯିବ
ଛାତିର ଦରଦ
ଯେତେବେଳେ
କଡ ଲେଉଟାଇବ
ଆମ ସ୍ମୃତିର ଫରଦ ।
ପୁଣିଥରେ ସଞ୍ଚିଯିବ ପ୍ରାଣ
ଭୁଲିଯାଇ ଜଡ଼ତ୍ୱର ଗୁଣ
ଅଦିନିଆ ଘୋଟିଯିବ ମେଘ
ପୁଲକରେ ଭରି ଚତୁର୍ଦିଗ
ମିଛୁଟାରେ ବଖାଣି ତୋ କଥା
ହରିନେବ ହୃଦୟରୁ ବ୍ୟଥା ।