ବୟସ ଦୋଷ

🌹🎭ବୟସ ଦୋଷ 🎭🌹

ବୟସ ସତୁରୀ ଶରୀର ନେଇ

ପ୍ରେମ ପାଇଁ ନିତି ହୁଏ ସେ ବାଇ

ଦେଖି ଦିଏ ଯେବେ ସୁନ୍ଦରୀ ନାରୀ

ଭାବେ ସେ ନିଜକୁ ଭେଣ୍ଡିଆ ବୋଲି ।

ପରକୀୟ ପ୍ରୀତି ପାଇବା ପାଇଁ

ସକାଳୁ ନିତି ସେ ଧାଉଁଛି ଭାଇ

ବସି ବସି କେତେ ଗାଏ ସେ ଗୀତ

ପାଇବାକୁ ନିତି ମନର ମିତ ।

ଏ କଥା ଜାଣିଲା ତା ଘରମଣି

ସଜ ସେ କରିଲା ହାତ ଛାଞ୍ଚୁଣି

ସକାଳୁ ଦେଲା ସିଏ ବହେ କୁଟି

ଅଣ୍ଟା ପିଠି କରି ଦେଲା ଏକାଠି ।

ଛାଡ଼ି ଗଲା ମନୁ ପ୍ରେମ ର ନିଶା

ଖାଇଲା ଯେବେ ସେ ବୁଢ଼ୀର କଷା

କାନ ମୁଣ୍ଡା ଦେଲା ଟିକେ ଆଉଁସି

କାନ୍ଦିଲା ଅଳପ କଣରେ ବସି ।

କହିଲା ପ୍ରେମ ଲୋଡା ନାହିଁ ମୋର

ଖାଇବିନି ଆଉ ଝାଡୁ ପାହାର

ସୁଖରେ ରହିବି ଘରଣୀ ପାଖେ

ମିଳିବ ଦୁନିଆଁ ଖୁସି ମୋ ହାତେ ।