ବ୍ଯଙ୍ଗ ପସରା

ଝିଅଙ୍କର ଦେଖି ମୁଣ୍ଡ କେଶକଟା

ପୁରୁଷ ମାନେ ବି କଲେ

ଜକଜକ ସହ ପ୍ରସିଦ୍ଧ କୁଆଡେ଼

ବିଶ୍ବ ଦରବାରେ ଝୁଲେ।୧

ସାମ୍ପୁକୁ ଲଗେଇ ଫୁରୁଫୁରୁ କେଶ 

ଉଡେ଼ଇ ବୁଲିଲେ ନାରୀ

ଦେଖି ଏ ପୁରୁଷ ସମ୍ଭାଳି ନ ପାରି

ମନ ତାଙ୍କ ହେଲା ଘାରି।୨

ପାର୍ଲରକୁ ଯାଇ ନିଜର କେଶକୁ

କାଟିବା ଆରମ୍ଭ କଲେ

ପଛ କେଶ ସବୁ ମୂଳୁସଫା କରି

ଆଗ କେଶ ରଖିଦେଲେ।୩

କେଶକୁ ଯତ୍ନରେ ରବର ସାହାଯ୍ଯେ

ବେଣୀ ବାନ୍ଧିଦେଲେ ଯେବେ

ସଗର୍ବେ ନିଜର ମନ ଗହନକୁ

ଉଡାଇଲେ ଦେଖ ଭବେ।୪

ନାରୀ ପୁରୁଷଙ୍କ ଏହି ଲୀଳାପାଇଁ

ସଂସ୍କୃତି ଅଧୋଃପତନ

କେଜାଣି ଆଗକୁ ସୁଧାର ଆଣିବା

ଆଉ କି ହୋଇବ ମନ?୫

ଚଳଚ୍ଚିତ୍ରେ ଯିଏ ଅଭିନୟ ଅବା

ଫୁଟବଲ କ୍ରିକେଟ ଦଳ 

ଅଣ୍ଟା ହଲେଇଲେ ଝରିବ ସମ୍ପଦ

ନୀଚ୍ଚତାର ବହେ ଝୋଳ?୬

          ***