ବ୍ଯଙ୍ଗ ପସରା-୧୨

ଅକାଳ କୁଷ୍ମାଣ୍ଡ ମୁର୍ଖ ଲୋକଟିର

ବୟସ ହୋଇଲା ଯେବେ

ବିବାହ କରିବ ମନ ଛନଛନ

ଶିଖେଇ ଦେଲା କେ'ଭବେ।

ସାକ୍ଷାତ ସମୟେ ଝିଅକୁ କହିଲା

ଭଲ ପାଠ ପଢି଼ଅଛ 

ଆମର ଗାଆଁକୁ ବୋହୂ ହୋଇଗଲେ

ଚାକିରି ହେବ ଜାଣିଛ।

ଦରକାର ଅଛି ପାଠୁଆ ବୋହୂଟେ

ସଭିଙ୍କର ଇଚ୍ଛା ଆହା

ସେ'ପାଇଁ ଆସିଛି ତୁମର ପାଖକୁ

ଶୀଘ୍ର ହୋଇଯିବା ବାହା।

ତୁମର କାଗଜ ପତ୍ରକୁ ଦିଅ ତ

ସାଙ୍ଗରେ ନେବି ଭାବିଛି

ଆପ୍ଲାଇ କରିବି ବିବାହ ପୂର୍ବରୁ

ଏଇ ଆଶା ହୃଦେ ଅଛି।

ଏ ମୂର୍ଖ କଥାରେ ସତେକି ଯେମିତି

ଚାକିରି ଅଛି ଗାଆଁରେ

ଗଦାଗଦା ବୋଧେ ଚାକିରି ଫଳୁଛି

ଯେମିତି ଝରଣା ଝରେ।

ମୂର୍ଖ ଯୁବକଟି ଭଗ୍ନ ମନୋରଥେ

ଫେରିଲା କାନକୁ ମୋଡି଼

ଶିଖେଇବା କଥା କାମ କଲା ନାହିଁ

ରହିଗଲା ଅଭିଆଡି଼।