ବୁଝିବା ସକ୍ଷମ କେ ନ ହୋଇଛି

ଖାଲି ହାତରେ ଆସିଛ ହେ ବନ୍ଧୁ   

    ଖାଲି ହାତରେ ଯିବ

ନଖାଇ ନ ପିଇ ଯେତେ ସଞ୍ଚିଅଛ

    ସବୁ ଏଠି ରହିଯିବ  

ତେଣୁ   

ଯାହା ଖାଇଥିବ ପେଟକୁ

 ଯାହା ସଞ୍ଚିଥିବ ଖଣ୍ଟକୁ

  ବୁଢା ହେଲେ ଯିବ ଖଟକୁ

  ମରିଗଲେ ଯିବ ଘଟକୁ  

ହସ ଖୁସିରେ ଦିନକୁ କାଟିବ

  ଖୁସିରେ ଖୁସିରେ ବଞ୍ଚିବ

ଖରାପ କାମ କାଲି ପାଇଁ ରଖି

   ଭଲ କାମ ଆଜି କରିବ

ଆଜିପାଇଁ ବନ୍ଧୁ ଖୁସିରେ ରୁହ

  କାଲି କଥା କିଏ କହିବ

ଜୀବନର ଏ ଗତି ପଥରେ

   ଭଲ ମନ୍ଦ ଚିନ୍ତା କରିବ  

କେତେ ଆସିଛନ୍ତି କେତେ ଯାଇଛନ୍ତି

    ଧରାପୃଷ୍ଠ ସାକ୍ଷୀ ରହିଛି

ଏ ଭବରଙ୍ଗ ବଡ଼ ବିଚିତ୍ର ରହସ୍ୟ

   ବୁଝିବା ସକ୍ଷମ କେ ନ ହୋଇଛି