ବସନ୍ତ

ଆକାଶରେ ଆଜି ବର୍ଷା ଖରା ଶୀତ

ଜଣା ପଡୁନାହିଁ ଜମ୍ମା

ସୁନ୍ଦର ଲାଗୁଛି ବସନ୍ତ ରାଜତ୍ୱ

ଯେମିତି ନାହିଁ କାଳିମା।୧

ସବୁଆଡେ଼ ଆଜି ସୌନ୍ଦର୍ଯ୍ୟର ହାଟ

ଅପରୂପା ରଙ୍ଗରସ

ମତୁଆଲା ଆହା ପ୍ରାଣୀ ଓ ଉଦ୍ଭିଦ

ଦୁଃଖ ନୁହେଁ ଖାଲି ହସ।୨

କୃତଜ୍ଞ ସଭିଏଁ ବସନ୍ତ ପାଖରେ

ହୃଦେ କୋଟି ଧନ୍ୟବାଦ

ସ୍ନେହ ଆଉ ପ୍ରେମ ଉଚ୍ଛୁଳି ଉଠୁଛି

ନ କରି ମନେ ବିବାଦ।୩

ପକ୍ଷୀ ଗାଉଅଛି ମଙ୍ଗଳ ସଙ୍ଗୀତ

ବୃକ୍ଷଟି ନାଚେ ଦୋହଲି

ଜନ ସମାଜରେ ବିବାହ ପର୍ବକୁ

ସ୍ୱାଗତ ସବୁକୁ ଭୁଲି।୪

ପର୍ବ ଓ ପର୍ବାଣୀ ଥୋଇକି ବସନ୍ତ

ବଢା଼ଇ ଦେଇଛି ସୁଖ

ପ୍ରାଣୀ ଉଦ୍ଭିଦଙ୍କ ହୃଦୟ କୋଣରେ

ମୋଟେ ନ କରନ୍ତି ଦୁଃଖ।୫