ବସନ୍ତ

ଆକାଶରେ ଆଜି ବର୍ଷା ଖରା ଶୀତ

ଜଣା ପଡୁନାହିଁ ଯମା

ସୁନ୍ଦର ଲାଗୁଛି ବସନ୍ତ ରାଜତ୍ବ

ଯେମିତି ନାହିଁ କାଳିମା।

ସବୁଆଡେ଼ ଆଜି ସୌନ୍ଦର୍ଯ୍ଯର ହାଟ

ଅପରୂପା ରଙ୍ଗରସ

ମତୁଆଲା ଆହା ପ୍ରାଣୀ ଓ ଉଦ୍ଭିଦ

ଦୁଃଖ ନୁହେଁ ଖାଲି ହସ।

କୃତଜ୍ଞ ସଭିଏଁ ବସନ୍ତ ପାଖରେ

ହୃଦେ କୋଟି ଧନ୍ଯବାଦ

ସ୍ନେହ ଆଉ ପ୍ରେମ ଉଚ୍ଛୁଳି ଉଠୁଛି

ନ କରି ମନେ ବିବାଦ।

ପକ୍ଷୀ ଗାଉଅଛି ମଙ୍ଗଳ ସଙ୍ଗୀତ

ବୃକ୍ଷଟି ନାଚେ ଦୋହଲି

ଜନ ସମାଜରେ ବିବାହ ପର୍ବକୁ

ସ୍ବାଗତ ସବୁକୁ ଭୁଲି।

ପର୍ବ ଓ ପର୍ବାଣୀ ଥୋଇକି ବସନ୍ତ

ବଢା଼ଇ ଦେଇଛି ସୁଖ

ପ୍ରାଣୀ ଉଦ୍ଭିଦଙ୍କ ହୃଦୟ କୋଣରେ

ମୋଟେ ନ କରନ୍ତି ଦୁଃଖ।