ବସନ୍ତ ଆସିଛି
ବସନ୍ତ ଆସିଛି
ବସନ୍ତ ଆସିଛି ମାଘ ର ଅନ୍ତରେ
ମଧୁ ବସନ୍ତର ମଧୁର ରାସରେ
କୋଇଲି କୁହୁର ପନ୍ଚମ ତାନରେ
ରାଧା କ୍ରୁଷ୍ଣକଂର ଦୋଳ ବିମାନରେ ।
ବସନ୍ତ ଆସିଛି ଆମ୍ବ ବଉଳରେ
ମନ ମତାଣିଆ ରଜନୀଗନ୍ଧାରେ
ସଜମଲ୍ଲୀ ଫୁଲେ ହେନା ସୁଗନ୍ଧରେ
ମହୁଲି ଫୁଲର ମହୁଆ ନିଶାରେ ।
ବସନ୍ତ ଆସିଛି ଫଗୁଣ ଫୁଲରେ
ନନ୍ଦନ ବନର ଗୋଲାପ ବଣରେ
ପଳାସ ଡାଳର ନାରଗିଂ ଶେଜରେ
ସୁନାରି ଗଛର ସୁନା ଚାମରରେ ।
ବସନ୍ତ ଆସିଛି ସିମିଳି ଫୁଲରେ
ରକ୍ତଜବା ତାର ଫୁଲପାଖୁଡାରେ
ହଳଦି ବସନ୍ତ ହଳଦି ରଗଂରେ
ସବୁଜ ବ୍ରୁକ୍ଷର ଡାଳରେ ପତରରେ ।
ବସନ୍ତ ଆସିଛି ଫଗୁ ପସରାରେ
ରଂଗ ବେରଗଂ ର ସମ୍ଭାର ଫୁଲରେ
ଅଝଟ ମନର ଅକୁହା ପ୍ରାନ୍ତରେ
ଅଳସି କନ୍ୟାର ଚପଳ ଛନ୍ଦରେ ।
ପୁର୍ଣହୁଏ ଆଜି ସ୍ବପ୍ନର ପସରା
ନାଶ ହୁଏ ଶତ ଦୁଖ ର ଅସରା
ପୁଲକିତ ମନ ବସନ୍ତ ସମୀରେ
ଋତୁରାଜ ତୁମେ ଅନନ୍ୟ ସୃଷ୍ଟିରେ।