ବର୍ତ୍ତମାନ

ପ୍ରତିମୁହୂର୍ତ୍ତରେ ଭବିଷ୍ୟତ ଚିନ୍ତା

     ଘୂର୍ଣ୍ଣନ ହୁଅଇ ମଥା

ବର୍ତ୍ତମାନ ତୋର ବ୍ୟର୍ଥରେ କଟୁଛି

     ଭାଳି ଭାଳି ସେଇ କଥା l

ସମୟ ଗର୍ଭରେ ଅଛି ସିଏଲୁଚି

       ନୟନେ ଦେଖିନୁ ତାକୁ

ତଥାପି କାହିଁକି ମନହୁଏ ତୋର

     ସୌନ୍ଦର୍ଯ୍ୟ ରେ ଗଢିବାକୁ l

ସ୍ବପ୍ନର ସୌଧ ତୋଳିବାକୁ ଇଚ୍ଛା

         ବଢୁଥାଏ ତୋ ଅହନିଶି

କି ସୁଖ ଲଭିଅଛୁ ତୁହି

    ଭାବନାରେ ସମୟ ନାଶି l

ସୁନ୍ଦର ବର୍ତ୍ତମାନ ହସ୍ତ ପ୍ରସାରେ

     କରିବାକୁ ସେ କୋଳାଗ୍ରତ

ସକଳ ଚିନ୍ତା ତ୍ୟାଗ କରି

    ବର୍ତ୍ତମାନକୁ କର ସ୍ୱାଗତ l

ସ୍ନେହ ପ୍ରେମେ ବିତରି ଦେ

      ଏହି ଧରା ବକ୍ଷେ

ମାନବ ଙ୍କୁ ସେବିବୁ ଯେବେ

      ମାଧବଙ୍କୁ ପାଇବୁ ପ୍ରତ୍ୟେକ୍ଷେ l

ସେହି ଚିନ୍ତାମଣି ଜଗତ କରତା

      କରୁଛନ୍ତି ଚିନ୍ତା ତୋହର

କରି କରାଉଛି ସେହି ଏକା

      ଆମେ ନିମିତ ମାତର l

ବର୍ତ୍ତମାନ ଭର ସ୍ବର୍ଗୀୟ ସୁଖରେ

     ଭବିଷ୍ୟତ ହେବ ସୁଖମୟ

ଅଗୋଚରେ ସମୟ ଦେବ ଡାକରା

     ଭବିଷ୍ୟତ କରୁକରୁ ଭୟ ।