ବର୍ଷାରେ ସ୍ମୃତି
ବର୍ଷାରେ ସ୍ମୃତି
1 min
98
ଶୂନ୍ୟରେ ମଗନ ଖୋଜୁଛି ଗଗନ
ଆଲୋକ ଖୋଜଇ ତପନ
ଖୋଜୁଅଛି ଶଶି ଶୀତଳତା ବସି
ସ୍ମୃତି ପଟଳରେ ସପନ ।
ଇନ୍ଦ୍ରଧନୁ ରଙ୍ଗ କଲା କିଏ ଭଙ୍ଗ
ଫୁଲରୁ ଛଡାଇ ବାସନା
ସାଗର ବି ଜାଣି ମାଗିଲାଣି ପାଣି
ମେଘ ହୋଇ ଯେବେ ଆସନା ।
ଲାଗୁନି ମଧୁର କୋଇଲି ବଧୂର
କୁହୁତାନ ରାଗ ରାଗିଣୀ
ରଜନୀଗନ୍ଧାର ମହକେ ଅନ୍ଧାର
ରାତିରେ ଚହଟ ଲାଗିନି ।
ପାଦପ ପତରେ ନାହିଁ ଗୋ ସତରେ
ସବୁଜ ରଙ୍ଗର ଭରସା
ବନାନୀ ବଳୟ ଖୋଜଇ ମଳୟ
ମେଘ ମାଗିଲାଣି ବରଷା ।
ମାଗିଲେ କି ମିଳେ ପ୍ରୀତିଭାବ ତିଳେ
ମନ ମାରିଥିଲେ ଲଳନା
କହିଲି ଯାହାକୁ ଭିଡି ସେ ବାହାକୁ
କରୁଥିଲା ଖାଲି ଛଳନା ।