ବର୍ଷାର ଅଭାବ

ବରଷା ଦିନରେ ବରଷା ହେଉନି 

ପଡି଼ଆ ଜମି ପଡି଼ଲା  

ମୁଣ୍ଡେ ହାତ ଥୋଇ ଚାଷୀ ବସିଲେଣି 

ହୃଦୟ ଦୁଃଖରେ କାନ୍ଦିଲା।୧

ବରଷକ ଯାକ ନିଜେ ଖାଇପିଇ

ଦେଶକୁ କେମିତି ଦେବ

ଚାଷୀର ତ ଯୋଗାଏ ସଭିଙ୍କୁ ଖାଇବା

ଏ ବରଷ ଇନ୍ଦ୍ରଦେବ।୨

କାହିଁକି କେଜାଣି କୋପ କରିଛନ୍ତି 

ବରଷା ହେଉନି ଭଲ

ଶୁଖିଲା ପଡ଼ିଆ ଚଉଦିଗେ ଆଜି

ହେଉଅଛି କଲବଲ।୩

ଜୀବନକୁ ଦିନେ ବାଜି ଲଗାଇଲୁ

ଯୋଗାଇବୁ ଦେଶ ପାଇଁ 

ଚାଷ କରମରେ ନିଜକୁ ହଜେଇ

ବଞ୍ଚିବୁ ଭବିଷ୍ୟ ନେଇ।୪

ଜଗତ କଲ୍ୟାଣ ଆଉ କରିବାକୁ

ଚାଷୀଙ୍କର ବଳ ନାହିଁ 

ବରଷା ବିହୁନେ ଅକରମା ପରି

ଜୀବନକୁ ନେବୁ ବୋହି।୫