ବରଷା
ବରଷା
1 min
11.6K
ଖୁଙ୍ଖାର ଖରାର ଖଣ୍ତିଆ ଭୁତଟା
ଖୋଜି ଚାଲିଗଲା ନିଡ
ତୁଷାର୍ତ ହୃଦୟ ତୃପ୍ତ ହୋଇଗଲା
ତଟସ୍ଥ ପଡିଲା ଝଡ l
ମେଘ ମହ୍ଲାରର ମହୁଲି ଗୀତରେ
ମହକିଲା ମୋର ପ୍ରାଣ
ଜୀବନର ମାଟି ମହମହ ବାସି
ମତୁଆଲ କଲା ମନ l
ସରଗର ଶଶୀ ସରାଗରେ ବସି
ଶୀତଳ ଜୋତ୍ସ୍ନା ପରଶି
ପତ୍ରଝଡା ପ୍ରାଣ ପଲ୍ଲବିତ କଲା
ବରଷା ରୂପରେ ଆସି l
କୁନି କଣ୍ଢେଇର କୌତୁକିଆ କୁଆଁ
କଅଁଳ ମନର ହସ
କୁଳୁ କୁଳୁ ନାଦେ କୁଳ ମୋ ଲଂଘିଲା
ଜୀବନେ ଭରିଲା ରସ l
ସରଗ ରାଇଜ ଅପସରା ସିଏ
ଦୁଃଖ ଅପସରି ଦିଏ
ବରଷା ରାଣୀ ମୋ ବିଦଗ୍ଦ ପରାଣେ
ଭରସା ସମ୍ଭାର ଟିଏ l