ବର୍ଷା

ତୋ ଆସିବାର ଆଭାସରେ

ମୁଁ ସାଇତି ଦେଇଥିଲି

ସମୁଦ୍ରେ ମମତା

ମୋହରେ ଓଲ୍ଲେଇ ଆସୁଥିଲା

ଆତ୍ମୀୟ ଆକାଶ

ନିଦ୍ରାଭଂଗ କରୁଥିଲା

ତୋ ହାତର କଅଁଳ ଉଷ୍ଣତା ।

ତୁ ହସୁଥିଲୁ..କିନ୍ତୁ

ଅବିଶ୍ୱାସର ପ୍ରହର ଭିତରେ

ରୁଦ୍ଧିମନ୍ତ ହେଉଥିଲା

ମରଣଠୁ ଉର୍ଦ୍ଧଗାମୀ ଆଶା

ମେଘର ମହ୍ଲାର ପରି

ମୋ ମନ ଅବସ୍ଥା ।

ଏବେ ତୋ ଅସହାୟତା ଓ

ମୋ ନୀରବତା...

କେଇ ହାତ ଦଉଡିରେ

ଖେଳୁଥିଲା ଦୋଳି

ମାପୁଥିଲା 

ପୌରୁଷତ୍ୱର ଅହଂକାର

ଏଇ ମୋର ରକ୍ତାକ୍ତ ପାପୁଲି ।

ଭୁବନେଶ୍ୱର

କ୍ଷୀରୋଦିନୀ ବେହେରା ସ୍ୱପ୍ନା

Mo 9777729002