Library
Profile
ବର୍ଷା
ବର୍ଷା
ବରଷାର ଆଗମନେ ଧରଣୀ ହସିଲା,
ଶୁଖିଲା ମାଟିରେ ସବୁଜିମା ଭରିଗଲା ॥
ଚାଷୀଟି ଆନନ୍ଦ ମନେ କ୍ଷେତେ ବାହାରିଲା,
ଶସ୍ୟ ସମ୍ଭାରର ଆଶା ହୃଦୟେ ଜାଗିଲା ॥
ନଦୀ ନାଳ ସରୋବର ଜଳପୂର୍ଣ୍ଣ ହେଲା,
ଜଳଚର ପ୍ରାଣୀଙ୍କର ଦୁଃଖ ସରିଗଲା ॥
ଚାତକ ପକ୍ଷୀଟି ତା'ର ତୃଷ୍ଣା ମେଣ୍ଟାଇଲା,
ବେଙ୍ଗ ବେଙ୍ଗୁଲୀ ଡାକରେ ଚୌଦିଗ କମ୍ପିଲା ॥
ନଭେ ଦେଖି କଳାମେଘ ମୟୂର ନାଚିଲା,
ଲାଗିଲା ଯେମିତି ପ୍ରାଣ ପ୍ରଶମିତ ହେଲା ॥
ସାଧବ ବୋହୂ ର ଖୁଶି ଦ୍ଵିଗୁଣିତ ହେଲା,
ନାଲି ରଙ୍ଗ ବସ୍ତ୍ର ପିନ୍ଧି ଭ୍ରମଣ କରିିଲା ॥
ବୃକ୍ଷ ଲତା ସତେ ନୂଆ ଜୀବନ ପାଇଲେ,
କଅଁଳ ପତ୍ରରେ ସୁନ୍ଦରତା ବଢ଼ିଗଲା ॥
<
br>
ଗଛ ଡାଳେ ପେନ୍ଥା ଫୁଲ ପ୍ରସ୍ଫୁଟିତ ହେଲା,
ଦୂର ଦୁରାନ୍ତର ଯାଏଁ ବାସ୍ନା ଚହଟିଲା॥
ପିଲାଙ୍କ କାଗଜ ଡଙ୍ଗା ପାଣିରେ ଖେଳିଲା,
ଆକାଶରେ ଇନ୍ଦ୍ରଧନୁ ଶୋଭା ପାଉଥିଲା ॥
ପର୍ବପର୍ବାଣୀକୁ ଲୋକେ ସ୍ୱାଗତ କରିଲେ,
ବେରଙ୍ଗ ଭୂମିରେ କେତେ ରଙ୍ଗ ଦେଖାଗଲା॥
ଝିପିଝିପି ବରଷାରେ ତନୁ ଯେ ଭିଜିଲା,
ହରଷ ମନରେ କେଡେ ପୁଲକିତ ହେଲା ॥
ପ୍ରକୃତି ନିୟମ, ଦୁଃଖ ଅଛି, ସୁଖ ଥିଲେ,
ଉପକୂଳ ଅଞ୍ଚଳେ ବର୍ଷା କାଳ ପାଲଟିଲା ॥
କେତେ ଘର କେତେ ଗାଁ ପାଣିରେ ବୁଡିଗଲା,
ଲକ୍ଷ ଲକ୍ଷ ଟଙ୍କା ସମ୍ପତ୍ତି ନଷ୍ଟ ହୋଇଗଲା ॥
ଜଳ ବିହୁନେ ସଂସାର କଷ୍ଟ ପାଉଥିଲା,
ଜଳ ବହୁଳ ହୋଇଣ ସୃଷ୍ଟିକୁ ନାଶ କଲା॥
