ବର୍ଷା ସହ ପଦେ କଥା

ବର୍ଷାର ପାଣିରେ 

ଲୁଚି ଯାଉଛି ମୋ ଲୁହ 

ଜୀବନର ବ୍ୟସ୍ତତା ଭିତରେ 

ହଜି ଜାଉଛି ମୋ କୋହ । ୧ 

ଦର୍ପଣ ଦେଖିଲେ ପାରୁନାହିଁ

ମୁଁ ମୋ ନିଜକୁ ଚିହ୍ନି

କି ଏକ ଘଣ୍ଟା ବାନ୍ଧିଲି ମୋ କଚିରେ

ସମୟ ଏବେ ମୋ ପଛ ହିଁ ଛାଡୁନି । ୨ 

ଏକ ସ୍ଥାୟୀ ଘର ବନାଇ 

ଭାବିଥିଲି ପଚାରିବି ସମୟର ଖବର

ସେଇ ଏକ ସ୍ୱପ୍ନ 

କରିଦେଲା ମୋତେ ଭିତରୁ ବାହାର ଯାଏଁ ଯାଯାବର । ୩ 

ଥକି ଯାଇ ବସିଥିଲି 

ସେଇ ଭଡା ଘରର ଝରକା ପାଖରେ 

ନା ଆଉ କେଉଁ ସ୍ୱପ୍ନ ଥିଲା ନା ଆଶା 

ଖାଲି ଯାହା ବର୍ଷା ହିଁ ଥିଲା ମୋ ପାଖରେ । ୪ 

ବହୁତ ସମୟର ନୀରବତା ପରେ 

ବର୍ଷା କହିଲା ପଦେ 

ଯାହା ସବୁ ତୁ ଗୋଟାଇଛୁ

ସଂସାରୁ ଗଲାବେଳେ ନେଇ ପାରିବୁକି ସେଥିରୁ ଅଧେ । ୫ 

ମୋହ ମାୟାର ଏ ସଂସାରେ 

ମିଛ ତୋର ଏ ସ୍ୱପ୍ନର ଘର 

ଆସିଥିଲୁ ଜେମିତି ଯିବୁ ବି ସେମିତି 

ତା ପାଇଁ କାହିଁ ପାଇଁ ଏତେ ବେପାର । ୬ 

ଜଳଚକ୍ରରେ ଯେମିତି 

କେବେ ମେଘ ତ କେବେ ଖୋଲା ଆକାଶ 

ଏ ଜୀବନ ଚକ୍ରେ ମଧ୍ୟ 

କେବେ ଆଶା ତ କେବେ ନିରାଶ । ୭

ବର୍ଷା କହିଲା

ଏମିତି ନ ହେଉ କାଲି ହଜିଯିବ ଆଜି ପାଇଁ 

ଆଜି ହଜି ଯିବ କାଲି ପାଇଁ 

କେବେ ନ ପାରିବୁ ବଞ୍ଚି ଆଜିରେ 

ଜୀବନ କଟିଯିବ କାଲି ଆଜି ଆଉ କାଲି ପାଇଁ । ୮