ବର୍ଷା ସହ କିଛି ସ୍ମୃତି
ବର୍ଷା ସହ କିଛି ସ୍ମୃତି
1 min
420
ବରଷା କାଳ ଅଟେ ମଙ୍ଗଳ କାରୀ
ପାଳଇ ପରଜାଙ୍କୁ ବରଷାକୁ ବରଷି ବାରି ।
ଭାରି ମନ ହୁଏ ବରଷା କାଳରେ
ଫେରି ଯାଆନ୍ତି କି ଗାଁ କୁ
ଶୁଭନ୍ତା ବେଙ୍ଗର କଟର ମଟର
ବୋଉ ଡାକ ପାଠ ପଢାକୁ ।
ବିଛଣାରେ ଶୋଇ ସପନ ଦେଖନ୍ତି
ହାତରେ କାଗଜ ଡ଼ଙ୍ଗା
ଅଧା ବେଳିକିଆ ସ୍କୁଲ ଛୁଟିରେ
ଆଈ ହାତେ ଛତା ଭଙ୍ଗା ।
ଟାଣି ଟୁଣି ହୋଇ ଓଦା ହେବା ମଜା
କାଦୁଅ ପଚର ପାଚର
ଖାତା ଚିରି ଡ଼ଙ୍ଗା ଭସେଇବା ଜାଣି
ଖାଇଥିବା ଵେତ ପ୍ରହାର ।
ଭିନ୍ନ ଭିନ୍ନ ପନି ପରିବା ସାଙ୍ଗକୁ
ଖାଇବା ପିଇବା ବୋଉ ଜଗେ
ପାଣି ଫୁଟକାକୁ ଟେକାଟା ମାରିଲେ
ଛିଟିକାଟି ଦେହେ ଭଲ ଲାଗେ ।
ବିଜୁଳି ଶବଦ ଘଡଘଡି କାନେ
ତାସ ଖେଳରେ ବିତେ ଦିନ
ବରଷା କାଳଟି କେତେ ଖୁସି ଦିଏ
ଚଷା ଭାଇ ଗୀତ ଶୁଣେ କାନ ।