ବର୍ଷା ଗୋ

ବର୍ଷା ଗୋ ତୁମେ ଜଲଦି ଆସ   

    ତୁମ ଅପେକ୍ଷା ରେ ରହିଛୁ

ମୌସୁମୀ ରୂପ ଧରି ଆସଗୋ ତୁମେ

     ତୁମ ବାଟ ଚାହିଁ ରହିଛୁ

ଆମ ଚାଷୀ ଭାଇ ଖୁସିରେ ହସିବେ

     ଯେତେବେଳେ ତୁମେ ଆସିବ

 ଧରଣୀ ସବୁଜ ଶ୍ୟାମଳ ହୋଇବ

     ନୂଆଁ ବୋଉ ପରି ଦିଶିବ

ତୁମ ଆଗମନେ ଧରଣୀ ନାଚିବ

   ପ୍ରାଣୀ ବି ଖୁସିରେ ନାଚିବେ

ତୁମରି ବିନା ଏ ଧରା ଧାମ କି

     ହସ ଖୁସିରେ ରହିବ

ତୁମେ ଅନ୍ନଦାତା ତୁମେ ପ୍ରାଣଦାତା

     ତୁମ ବିନା ଆମେ ନିର୍ଜୀବ

ତୁମେ ଯେବେ ଆସ ଏ ଧରାଧାମକୁ

     ଆମେ ହୋଇଯାଉ ସଜୀବ

ଡେରି ହୋଇଲାଣି ଆଗୋ ମୌସୁମୀ

      ଆଉ ଡେରି ନକରିବ

ଏଧରା ଧାମକୁ ବେଗି ବେଗି ଆସି

      ଆମ ପ୍ରତି ଦୟା କରିବ

ସ୍ୱାଗତମ ସ୍ୱାଗତମ ଆଗୋ ମୌସୁମୀ

      ବିରାଜିବ ଆମ ପାଖରେ

      ତୁମକୁ ପାଇଲେ ଆମେ ଖୁସି ହେବୁ

       ନାଚିବୁ ଡେଇଁବୁ ଖୁସିରେ