ବର୍ଷା ଆଜି ମାଟିର ପ୍ରେମିକା

ବର୍ଷା ଆଜି ନୂଆକରି ଲେଖୁଛି

ମାଟି ପାଇଁ ନୂଆ ପ୍ରେମ କବିତା

ଠୋପା ଠୋପା ବର୍ଷା ବିନ୍ଦୁରେ

ଭରିଛି କେତେଯେ ସେ ଆତ୍ମୀୟତା ।

ଧରା ଆଜି ହସୁଛି ଖୁସିରେ

ଆଲିଙ୍ଗନ କରି ବର୍ଷା ରାଣୀକୁ

ଢେର୍ ଦିନର ପ୍ରତୀକ୍ଷା ହୋଇଛି ଅନ୍ତ

ପ୍ରେମର ରାଗରେ ଭିଯାଇଛି ବର୍ଷା ମାଟିର ବୁକୁକୁ ।

ଭିଜା ଭିଜା ସେ ମାଟିର ସେ ଅପୃବ ବାସ୍ନା

ସମ ଅଟେ ସୂ ଶୀତଳ ରାତିଭରା ଯୋତ୍ସ୍ନା

ପୁରା କରିଦେଲା ଅତୃପ୍ତ ଆତ୍ମାର ସବୁ ତୃଷ୍ଣା

କି ନିଆରା ପଣଥାଏ ଭୁରୁଭୁରୁ ମାଟିର ସେ ପ୍ରଥମ ବାସ୍ନା ।

କାକ ଚାହିଁ ଥିଲା ପିକ ଚାହିଁ ଥିଲା

ଚାହୁଁଥିଲେ ସବୁ ତରୁବର ଗଣ

ବର୍ଷା ଆସିବ ଏବେ ବର୍ଷା ଆସିବ

ହସିବେ ପାହାଡ ଝରଣା ଆଉ ବଣ ।

ନିଦାଘ ଖରାରେ ଜର୍ଜରିତ ଦେହ

ଖୋଜୁଥିଲା କାହା ନରମ ପରଶ

ବିଜୁଳି ଆଲୋକେ ଘଡ ଘଡି ଶଦ୍ଦେ

ଛମ୍ ଛମ ନାଚି ଭାରିଲା ସେ ଆସି ମନ ଶୋଷ ।

କବିତାରେ ଲେଖା କେତେ ଯେ ଘଟଣା

ବନ୍ୟା ବାତ୍ୟା ଆଉ ବିଭୀଷିକା

ହେଲେ ସେ ବର୍ଷା ସବୁରି ପ୍ରିୟ

ଚାହିଁ ଥାଏ ଧରା ସଦା କରିବାକୁ ତାକୁ ନାୟିକା ।

ଟୁପୁର ଟାପର ମେଘ ବରଷିଲା

ନଈ ଗାଡିଆ ରେ ଭରେ ପାଣି

ମନ ଆନନ୍ଦରେ ସାରୁ ବୁଦାମୁଳେ

କେଁ କଟରରେ ନାଚେ ବେଙ୍ଗୁଲି ରାଣୀ ।

ବର୍ଷା ଆଜି ହୋଇଛି ବନ୍ଦୀ

ମତୁଆଲା କଦମ୍ବ ଗନ୍ଧରେ

ପାଦରେ ନାଇଛି ରକ୍ତିମ ଅଳତା

ରସିକ କୃଷ୍ଣଚୂଡ଼ାର ବାହୁବନ୍ଧନୀରେ ।