ବୃକ୍ଷ

ଏମିତି କେ ଅଛି ଦୁନିଆ ବୁକୁରେ

ତରୁକୁ ସେ ଜାଣେ ନାହିଁ

ଯାହାରି କରୁଣା ଉପକାରେ ବନ୍ଧା

କି ମଣିଷ କି ପଶୁ ହୋଇ

ବୃକ୍ଷର ଦାନଟି ପ୍ରାଣବାୟୁ ନର

ଶରୀରେ ପ୍ରାଣ ସଂଚରେ

ତା'ର ଫଳଫୁଲ କାଣ୍ଡ ମୂଳ ନେଇ

ବଂଚେ ନର ଜଗତରେ

ଘର ତିଆରିକୁ ଯୋଗାଉଛି କାଠ

ଖାଦ୍ୟ ପାଇଁ ଫୁଲ ଫଳ

ଅଉଷଧ ପାଇଁ ସମର୍ପି ଦେଇଛି

ବୃକ୍ଷ ସେ ସବୁରି ମୂଳ

ବାଟୋଇ ଖରାରେ ତପୁ ଥିଲେ ତାକୁ

ଯାଚି ଦିଏ ଶୀତ ଛାଇ

ତାହା ପତ୍ର ପୁଷ୍ପ ଆହାର ରୂପରେ

ଖାଆନ୍ତି ଯେ ଗୋରୁ ଗାଈ

ନିଃସ୍ୱାର୍ଥପଣରେ ଅଜାଡୁଛି ସବୁ

ଜଗତର ସୁଖ ପାଇଁ

ବୁଦ୍ଧିହୀନ ନର ପାଦପ ଦାନକୁ

କାହିଁ ପାଇଁ ବୁଝୁ ନାହିଁ???