ବ୍ରହ୍ମ

                 

        

ବ୍ରହ୍ମ ସ୍ଥିର / ବ୍ରହ୍ମ ଅପରିବର୍ତ୍ତିତ 

ବ୍ରହ୍ମ ତ ଅବିଚଳିତ

ଭାଗ ଭାଗ ବ୍ରହ୍ମ / ନୁହେଁ ଅଦ୍ୱିତୀୟ 

ସେ ଅନନ୍ତ ସେ ଅଚ୍ୟୁତ ।।

କେହି କେହି କହେ / ଅନ୍ନ ବ୍ରହ୍ମ ବୋଲି 

ଅନ୍ନ ତ ନୁହଇ ବ୍ରହ୍ମ

ବସ୍ତୁ ମଧ୍ୟୁ ଜନ୍ମ / ନେଇଥାଏ ଅନ୍ନ 

ସେ କିପରି ହେବ ବ୍ରହ୍ମ ।।

ଆବର କୁହନ୍ତି / ମନ ବ୍ରହ୍ମ ବୋଲି 

ସେ ପଦବାଚ୍ୟ ସେ ନୁହେଁ

ବେଳେବେଳେ ମନ / ଭିନ୍ନ ଭିନ୍ନ ଭାବେ 

ପ୍ରକାଶିତ ହୋଇଥାଏ ।।

ପ୍ରାଣ ନୁହେଁ ବ୍ରହ୍ମ / ଜ୍ଞାନ ନୁହେଁ ବ୍ରହ୍ମ 

ବ୍ରହ୍ମ ତ ଅଟେ ଅଭିନ୍ନ

ଅନେକ ତପସ୍ୟା / ବଳେ ମୁନି ଭୃଗୁ 

ବ୍ରହ୍ମ କଲେ ଉଦ୍ଭାବନ ।।

ଦିବ୍ୟସତ୍ତା ବଳେ / ଆତ୍ମ ବିଭୋରେ 

ଋଷି ହେଲେ ବ୍ରହ୍ମ ଜ୍ଞାତା

ଆନନ୍ଦ ହିଁ ବ୍ରହ୍ମ / ଆନନ୍ଦ ଜୀବନ 

ଆନନ୍ଦ ବିଶ୍ଵ ବିଧାତା ।।