ବ୍ରାହ୍ମଣୀ
ବ୍ରାହ୍ମଣୀ
1 min
6.9K
ଝାଡଖଣ୍ଡ ରାଜ୍ୟ ଛୋଟ ନାଗପୁର
ଅଟେ ଏକ ମାଳଭୂମି
ସେଇଠୁ ବ୍ରାହ୍ମଣୀ ବାହାରିଲୁ ତୁହି
ସେଇ ତୋର ଜନ୍ମଭୂମି.....।
ରାଉରକେଲାର ପାନପୋଷ ଠାରେ
ମିଶିଲେ କୋଏଲ ଶଙ୍ଖ
ଓଡିଶାର ସେହି ପବିତ୍ର ସଙ୍ଗମ
ବେଦବ୍ୟାସ ଠାରୁ ପାଖ... ।
କେତେ ଜଳଧାରା ମିଶିଲେ ତୋ ଦେହେ
ହୋଇଲୁ ତୁ ସ୍ରୋତସ୍ଵିନୀ
ଜଳଜୀବ ପାଳୁ କେତେ ଅଗଣିତ
ହୋଇ ତାଙ୍କର ଜନନୀ... ।
ତୋହର ଜଳକୁ ଅଧମ ମାନବ
କରୁଅଛି ପ୍ରଦୂଷିତ
ତଥାପି କହିବି ଅଟୁ ତୁ ପବିତ୍ର
ମଧୁର ତୋ ଜଳ ସ୍ରୋତ.... ।
ଜେନାପୁର ଠାରୁ ସିଂହପୁର ଯାଏଁ
ବୋଲାଇଲୁ ଖରସ୍ରୋତା
ବହିଯାଉ ତୁହି ସତେ ହାସ୍ୟମୟୀ
ଦେଇ ଶାନ୍ତିର ବାରତା.... ।