ବୋଝ
ବୋଝ
1 min
202
ପାଦ ମୋର ଟଳମଳ
ପାରୁ ନାହିଁ ଚାଲି
ତା ସାଙ୍ଗକୁ ମୁଣ୍ଡରେ ମୋ
ବୋଝର ଅର୍ଗଳି ।
ଗରିବ ବାପୁଡା ନାହିଁ ପେଟେ ଦାନା
ଖାଇବାକୁ ଦିଅନାହିଁ ଦିଅ ନିର୍ଯ୍ଯାତନା
ଯାହା ପାଖେ ଅଛି ଧନ ବୋଲାଏ ମୁନିବ
ଆମେ ସବୁ ତା ଆଗରେ ପୋକଠାରୁ ହୀନ ।
ବୋଝର ଭାରରେ ନଇଁ ପଡେ ଅଣ୍ଟା
ପାରେନି ସଳଖି ଗରିବ ବାପୁଡା
ବେକେ ବନ୍ଧା ତାର କୁଟୁମ୍ବ ଯେ ଚାରି
ବୋଝ ଉପରେ ଯେ ଲଳିତାର ବିଡା ।
ବୋଝ ନୁହେଁ ସେତ ଅଭିଶାପ ପରା
ଗରିବ ଜନମ ନର୍କ କୀଟ ପରା
କେଉଁ ଜନମର ପାପ ବୋଲି ସେତ
ଏ ଜନମେ ଲଦା ବୋଝ ଉପହାର ।