ବନ୍ଧୁତା ଦିବସ

ବନ୍ଧୁତା ଦିବସ ପଡେ ପ୍ରତ୍ୟେକ ବର୍ଷ

ଅଗଷ୍ଟ ମାସ ଆଦ୍ୟ ରବିବାରରେ,

ବନ୍ଧୁମାନେ ସବୁ ମିଶି ଏହି ଦିବସକୁ

ପାଳନ କରୁ ଆନନ୍ଦ ଉଲ୍ଲାସରେ I

ମାସକ ପୂର୍ବରୁ ସାଙ୍ଗମାନେ ବ୍ୟଗ୍ର

ହୋଇ ଏଥିପାଇଁ କରୁ ପ୍ରସ୍ତୁତି,

ପ୍ରତେକ ବର୍ଷ ବନ୍ଧୁତା ଦିବସକୁ ପାଳି

ସାଙ୍ଗମାନଙ୍କ ମଧ୍ୟରେ ରହୁ ଭାଵପ୍ରୀତି I

ସବୁ ସାଙ୍ଗମାନେ ନ ଆସିଲେ ବି କିଛି ସାଙ୍ଗ

ଏହି ଦିନ ହେଇଥାଉ ଏକାଠି,

ମଉଜ ମଜଲିସର ଫୋଟ ପଠାଇ ନଆସିଥିବା

ସାଙ୍ଗମାନଙ୍କୁ ଦେଇ ଆନନ୍ଦର ଭେଟି I

ପରିବା କଟା ସହ ସ୍କୁଲ ସ୍ମୃତିକୁ ମନେପକାଉ

ଆଳାପ କରି ସାଙ୍ଗଙ୍କ ମେଳରେ,

ସମସ୍ତଙ୍କ ସୁଖ ଦୁଃଖ ବଣ୍ଟାବଣ୍ଟି କରି

ନିଜେ ଲାଗିଥାଉ ରୋଷେଇରେ I

ନାଚ ଗୀତ ଖଟି ମଜା କରି ଏକାଠି

ବସି ଖାଉ ଆନନ୍ଦରେ,

ବୃକ୍ଷରୋପଣ କି ଆଉ କିଛି ସାମାଜିକ କାଯ୍ୟ କରି

ଦୁଃଖକୁ ଭୁଲାଇଦେଉ ସେଦିନର I

ଫେରିବା ପାଇଁ ଇଚ୍ଛା ନଥିଲେ ବି

ସମୟ ଇସାରାରେ ଦୁଃଖରେ ଫେରୁ ଘରକୁ,

ହାତ ଉପରେ ହାତ ରଖି ପଣ କରୁ ସମସ୍ତେ

ଏହି ଦିନରେ ମିଳନ ହେବାକୁ I

ଦୁଃଖ ଫେଡ଼ି ଆନନ୍ଦ ଉପଭୋଗ ଲାଗି

ଏହି ଦିନକୁ ବନ୍ଧୁମାନେ ଅନାଇ ଥାଉ ଚାତକ ପରି,

ଗଲା ଵର୍ଷ ପରି ଏବର୍ଷ ବନ୍ଧୁତା ଦିବସରେ

କରୋନା ସାଜିଛି ବଇରୀ I

ବନ୍ଧୁତା ଦିବସରେ ବନ୍ଧୁମାନଙ୍କ ମନକୁ

କରୋନା ଦେଇଛି ଉଦାସ କରି,

ମାରାତ୍ମକ କରୋନାକୁ ବନ୍ଧୁମାନେ ଗାଳିଗୁଲଜ

କରୁଛନ୍ତି ରକ୍ତ ଚାଉଳ ଚୋବାଇ କରି I

କରୋନା କଟକଣାକୁ ମାନି ଆଜି

ପାଳନ କରିବୁନି ବନ୍ଧୁତା ଦିବସ,

ସାଙ୍ଗମାନଙ୍କ ମଧ୍ୟରେ ମୋବାଇଲରେ

ସଂଳାପ କରି ମନକୁ କରିବୁ ହରଷ I

କାଳିଆରେ ତୋଠାରେ ପ୍ରଣିପାତ ହୋଇ

ଏତିକି ମାଗୁଛି ମାଗୁଣି ଆଜିର ଦିବସରେ,

ଅଦୃଶ୍ୟ କରୋନାକୁ ଜଗତରୁ ନିପାତ କରି ସବୁ

ବନ୍ଧୁଙ୍କ ସହ ମିଳନ କରାଇବୁ ଆଗାମୀ ବନ୍ଧୁତା ଦିବସରେ I

ରକ୍ଷାକବଚ ସାଜି ସାହା ଥିବୁ

ସାଙ୍ଗମାନଙ୍କ ଚଲାପଥରେ,

ବିପଦ ଆପଦରୁ ରକ୍ଷାକରି ସେମାନଙ୍କୁ

ସୁଖ ଶାନ୍ତି ଦେଉଥିବୁ ତୁ କାଳିଆରେ I

ସାଙ୍ଗମାନେ ହିଁ ମୋରି ବଳ, ସେମାନେ ହିଁ ମୋରି ସପନ

ସେମାନେ ହିଁ ମୋର ସୁଖଦୁଃଖର ସାଥି,

ସେମାନଙ୍କୁ ଦେଖିଦେଲେ, କି ସେମାନଙ୍କ ସହ କଥା ହୋଇଗଲେ,

ମନକୁ ଆସିଥାଏ ପ୍ରଚୁର ଶକ୍ତି I