ବିଷ ଡେଣା

ଡିଣ୍ଡିମ ବାଜେ ସହର ନଗରେ

ଜିଇଁବ ସମାଜେ, ନିର୍ଭୀକା ହୋଇ ନାରୀ,

ପକ୍ଷ ହରାଇ ଅପବାଦ ନେଇ

ପାରିବକି ହୋଇ, ମୁକ୍ତ ଆକାଶ ପରୀ ?

ଶତାବ୍ଦୀର ସେ ଡହ ଡହ ନିଆଁ

ପୋଡିତ ଦେଇଛି, ଜୀବନ ମୂଲ୍ୟବୋଧ,

ସଂଜ୍ଞା ହରାଇ ମାନବ ଦାନଵ

ସତ୍ୟ ପଥକୁ, କରିଅଛି ଅବରୋଧ l

ବିସ୍ମୃତ ପରା ଗତ ଇତିହାସ

ଅମର ଲେଖନୀ, ଅମୃତ ଭାଷାକୋଷ,

ଡହଳ ବିକଳ ନିରୀହ ନାଚାର

ହୃଦୟରେ ବୋହି, ସନ୍ତାପ ଅବଶୋଷ l

ହିଂସା ଭିଆଇ ହତ୍ୟା ରଚାଇ

ସଇତାନ ଉଡେ, ମେଲି ତା'ର ବିଷ ଡେଣା,

ତୃଷ୍ଣା ଆତୁର କାତର ଅଧୀର

ପଥ ହୁଡ଼ି ହୁଏ, ତୁଚ୍ଛାରେ ବାଟବଣା l