ବିଶ୍ବ ଡାକ୍ତର ଦିବସ ଉପଲକ୍ଷେ

ଏକବିଂଶ ଶତାବ୍ଦୀରେ କରି ଅଛେ 

ଆମେ ପଦାର୍ପଣ

ବିଜ୍ଞାନ ଓ ବୁଦ୍ଧିରେ ମଣିଷର ବହୁ

ଉନ୍ନତି ହୋଇଛି ସାଧନ ।

ବିଜ୍ଞାନର ବିକାଶ ଫଳରେ ଯନ୍ତ୍ରର 

ଗୁରୁତ୍ୱ ପାଇଛି ବୃଦ୍ଧି

କୁଟୀର ଶିଳ୍ପର ହ୍ରାସ ହୁଏ, କଳ 

କାରଖାନା ହୁଏ ବୃଦ୍ଧି ।

କମି କମି ଆସେ ମାଧୁର୍ଯ୍ୟ ଭାବ

ହୃଦୟ ଭାବର ସ୍ବର

ମଣିଷ ହୋଇଛି ଯନ୍ତ୍ରଚାଳିତ, ବୁଡି

ଯାଉଛି ତୃପ୍ତିମୟ ସୁର ।

ନେଇଛେ ମଣିଷ ଜନମ, ଭରି ରହିଛି

ବିଭିନ୍ନ ରୋଗର ଦୁଃଖ

ଡାକ୍ତରର ଲୋଡ଼ା ଉପଚାର, ବିଜ୍ଞାନ ତ

ଆମକୁ ଦେଇଛି ଅନେକ ।

କି ଦିନ, କି ରାତି, ସ୍ଵାର୍ଥକୁ ଜଳାଞ୍ଜଳି ଦେଇ

ରୋଗୀ ଚିକିତ୍ସାରେ ଥାଏ ଡାକ୍ତର

ଦୃଢ଼ ସ୍ୱରରେ ବୋଲି ଥାଏ ତାଙ୍କୁ, ସେ ଏ

ସଂସାରରେ ଦ୍ବିତୀୟ ଈଶ୍ବର ।

ନିଷ୍ଠାପର ଭାବେ ଯିଏ କର୍ତ୍ତବ୍ୟ ତୁଲାଏ,

ଆମକୁ ନୂତନ ଜୀବନ ଦିଏ

ଡାକ୍ତର ହୁଅନ୍ତି ଆମ ପାଇଁ ସେ ଦେବଦୂତ, 

ତେଣୁ ଆପେ ମଥା ନଇଁଯାଏ ।

ଓଁ ଶୁଭଂ ଲାଭ ମନୋବୃତ୍ତି ଦ୍ୱାରା ମନୁଷ୍ୟ 

ମନରୁ ଲିଭୁଛି ନୈତିକତା 

ଆପେ ବଂଚିଲେ ବାପାର ନାମ, ଡାକ୍ତର ସାଜିଛି 

ଆଜି କଂସେଇ, ଏ କି ଆଧୁନିକତା ।

 

ଝରୁ ପ୍ରେମର ଧାର, ଭରୁ ରୋଗୀ ପ୍ରତି ଅନୁରାଗ,

ସେବା ହେଉ ବ୍ରତ ଜୀବନର 

ବିଶ୍ବ ଡାକ୍ତର ଦିବସ ଉପଲକ୍ଷେ, ବହୁ ସେହି ସୁଧା 

ସ୍ରୋତ, ଏତିକି ନିବେଦନ ମୋହର ।