ବିଶ୍ଵାତ୍ମା
ବିଶ୍ଵାତ୍ମା
1 min
12.1K
ଆକାଶର
ତୁମେ ତ ନୀଳିମା,
ବନାନୀର
ତୁମେ ସବୁଜିମା।
ଶ୍ରାବଣର
ତୁମେ ତ ବରଷା,
ବଣିକର
ତୁମେ ହିଁ ବେଉସା।
ତପନର
ତୁମେ ତ ଆଲୋକ,
ଜୋଛନାର
ତୁମେ ହିଁ ପୁଲକ।
ତଟିନୀର
ତୁମେ ଜଳଧାରା,
ନୟନର
ତୁମେ ତ ଇସାରା।
ମନ୍ଦିରରେ
ତୁମେ ତ ଦେବତା।
ସମୀରର
ତୁମେ ଶୀତଳତା।
ସଙ୍ଗୀତର
ତୁମେ ପରା ସ୍ଵର,
ବୀଣାର ତ
ତୁମେ ହିଁ ଝଙ୍କାର।
କବିର ତ
ତୁମେ ହିଁ କବିତ୍ଵ,
ଜନନୀର
ତୁମେ ତ ମାତୃତ୍ଵ।
ଗୁରୁ ଦେହେ
ତୁମେ ଅଟ ଜ୍ଞାନ,
ସାଧକର
ତୁମେ ପରା ଧ୍ୟାନ।
ଶରୀରରେ
ତୁମେ ଅଟ ଆତ୍ମା,
ସର୍ବବ୍ୟାପୀ
ତୁମେ ହେ ବିଶ୍ଵାତ୍ମା !