ବିରି ବରା

ଧିରେ ଧିରେ ଏବେ ବିରଳ ହେବାକୁ

ବସିଲାଣି ବିରି ବରା

ଲାଗୁଅଛି ତାହା ଦିନ କେଇଟାରେ

ହୋଇଯିବ ଲୋପ ପୁରା ।।

ବଜାରରେ ଆଉ ବିରିବରା ଖଣ୍ଡେ

ମିଳୁନାହିଁ ଖୋଜି ଖୋଜି

ଯେଉଁଠି ଦେଖିବ ସେଇଠି ପାଇବ

କେବଳ ସୁଜି ହିଁ ସୁଜି !!

ବିରିର ସ୍ଥାନକୁ ସୁଜି କରିଲାଣି

ପୂର୍ଣ୍ଣ ଭାବେ ଅକ୍ତିଆର

ବିଚରା ବିରି ବା କ'ଣ କରିବ

ଛାଡେ ଖାଲି ହାହାକାର ।।

ହକ୍ ଦାବି କରି ଗମେଣ୍ଟକୁ ବିରି

ଦେଇଅଛି ଦରଖାସ୍ତ

ପ୍ରତ୍ୟେକ ବରାରେ ବିରି ପରିମାଣ

ରହୁ ଅସି ପ୍ରତିଶତ ।।

ବିଜୟନଗର,ଗଣିଆ,ନୟାଗଡ଼